التدوينة الثالثة
حركة المكابيين
اهلا بيكم في التدوينة الثالثة من سلسلة ( الصهيونية إيد ابلس )
هنكمل معاكم النهاردة ان شاء الله في الجزء الخاص بالحركات اللي مهدت لقيام الصهيوينة
بمعني اننا هنشرح
التطور الطبيعي للحاجة الساقعة .. الساقعة قوي يعني
وهنبدأ بعرض ملخص للحركات دي وبعد كدة شرح تفصيلي لكل حركة
ـ حركة المكابيين
ـ حركة باركوخيا 118ـ 138م
ـ حركة موزس الكريتي
ـ مرحلة الركود في النشاط اليهودي بسبب اضطهاد اليهود وتشتتهم . مش عارف ايه الجديد في كدة
ـ حركة دافيد روبين وتلميذه سولومون مولوخ 1501ـ 1532م
ـ حركة منشه بن إسرائيل 1604ـ 1657م
ـ حركة سبتاي زيفي 1626ـ 1676م
ـ حركة رجال المال التي تزعمها روتشيلد وموسى مونتفيوري
ـ الحركة الفكرية الاستعمارية
ـ الحركة الصهيونية العنيفة التي قامت إثر مذابح اليهود في روسيا سنة 1882م
ـ ظهور مصطلح الصهيونية Zionism لأول مرة
ـ ظهور حركة (حب صهيون)
ـ الصهيونية الحديثة وهي الحركة المنسوبة إلى تيودور هرتزل
بسم الله الرحمن الرحيم نبدأ مع حركة المكابيين
اولا هو يعني ايه مكابي ؟ أصلا ...
لفظ: مكابي أو مقابي ليها كذا معنى
1-معناه المعيَّن من قبل الرب يهوه
2-معناه المطرقة أو المضرب
3-جاية من كلمة " مكبي " كلمة من 4 حروف
م : مي
ك : كاموخا
ب : باليم
ى : يهوه
(مي كاموخا باليم يهوه ) يعني (من مثلك بين الأقوياء يا الله )
بعد فترة السبي البابلي وبعد الذل والهوان وبعد 70 سنة قضاها اليهود في بابل رجعوا لفلسطين في عهد ملك الفرس كورش وفضلوا يدفعوا الجزية للفرس
والصراحة كانوا عايشين عيشة فل تحت حكم الانبياء شوية والكهنة شويتين ... كدة يعني لغاية ما جاء الاسكندر المقدوني و دلَّع الفرس سنة 334 ق م وطبعا خضع اليهود ليه
وبعد وفاته اتقسمت المملكة لـ 4 من رجاله يهمنا منهم
( بطليموس سوتر ) اللي استولي علي مصر وليبيا ونص الشام
و ( سلوقس الأول ) اللي استولي علي ايران ونص الشام
وخضع اليهود للبطالسة اللي اسروا وسبوا كتير منهم وبعتوهم علي مصر
لكن بعد كدة اتخانق واتصارع البطالسة مع السلوقيين وفاز في الاخر السلوقيين بقيادة انطيخوس الكبير
وبصراحة تعبوا قوي اليهود في الفترة دي راجع ادراج ( أضواء علي الهيكل ) لحد مافاض بيهم من كتر البهدلة اللي شافوها
هتقولي ايه يعني شافوا ايه ؟ هقولك اسمع يا سيدي ...
في عهد الملك انتوخوس ابيفانوس الرابع عام 169 ق. م
*حدث أول اضطهاد ديني كبير سجله التاريخ
*اتحرَّم الختان
*ومافيش عيد السبت
*واتدنس الهيكل شر تدنيس بتقديم خنزير علي المذبح
*حتي نسخ الشريعة اللي باقية اللي هي اصلا متحرفة دوروا عليها ليعدموها و يعدموا اي حد بيحتفظ بيها
*واتفرضت الثقافة والدين اليوناني غصب واقتدار
وكان نتيجة كدة أن اليهود اتشتتواوتفرَّقوا في كل بِقاع الأرض ووقعت مملكتهم
قشطة عليك يا انتخوس ... نايس وورك يا مان .... شغل علي كبير يا ريس
لكن مع مرور الوقت وضعف السلوقيين قدر اليهود يردوا علي الظلم ده بثورة تزعمها
الكاهن ماثياس الحشموني سليل عيلة يوحنا بن سمعان بن حشمون الكبير اللي من نسل اللاويين مع ابنائه الخمسة
يوحنا (الملقَّب بكدِّيس)
وسِمعان (المسمى بطسي)
ويهوذا (الملقب بالمكابى)
ويوناثان (الملقب بافوس )
وسايمون
وبعد ما مات متتيا او متياس استمرت الثورة تحت قيادة ابنه يهوذا المكابي عام 165 ق. م وقدام قوة الثورة دي تراجع اتخيوس عن اضطهاده لليهود وسمح لهم بممارسة دينهم،
ورجع المكابيون إلى القدس قايدين الشموع الشموع اللي اتحولت بعد كدة للشمعدان اليهودي الشهير ولغاية دلوقتي اليهود بيحتفلوا بعودة المكابيين الي القدس في عيد الشكر أو عيد الأنوار "حانوكا "
المهم بعد كدة اليهود بقى لهم حكم ذاتي في القدس، والحكم اصبح وراثي في ذرية يهوذاالمكابي، وحكم المكابيون القدس باعتبارهم "كبار كهنة"، ثم أعلنوا أنفسهم ملوكاً رغمأنهم كانوا يدفعون الجزية للسلوقيين!
مش كدة وبس لأ ..
اتحولت الثورة المكابية من حركة لمقاومة الحكم اليوناني، إلى قوة بتضطهد الشعوب التي كانت بتعيش في فلسطين، وفرضت عليهم الدين اليهودي غصب واقتدار .. برضه
ومن المثير والعجيب اللي قالوه المؤرخ أرنولد توينبي
أن من ضمن الشعوب التي تم تهويدها قسراً شعب الجليل الذي سيخرج منه السيد المسيح ليقضي على مستقبل اليهود إلى الأبد.."
ليست هناك تعليقات:
إرسال تعليق