التدوينة الـ 17 ( عائلة روتشيلد ) الحلقة الثالثة

الوثيقة اللى من خلالها تم السيطرة على العالم كله

وقفنا المرة اللى فاتت عند الوثيقة اللى كان بيقرأها روتشيلد على التنظيم السري اللى اتعمل بغرض السيطرة على العالم كله وكانت البداية فرنسا

خلونا نقرأ ونعيش شوية مع عم ماير روتشيلد

الوثيقة بتقول ...

- كنا أول من اطلق شعارات ( الحرية والمساواة والإخاء ) المجردة ، ليرددها الببغاوات دون ان يدركوا التناقض فى محتواها

- الحرية السياسية ليست إلا فكرة مجردة ولن تكون حقيقية ، ونستطيع أن نستولى على امتيازات الشعوب وحقوقهم عندما تقبل الشعوب التنازل عنها دفاعاً عن تلك الفكرة المجردة

- الحرية المطلقة تتحول إلى فوضى إذا ما حصلت عليها جماهير الشعب ، ويتعين استعمال فكرة الحيرة لإثارة النزاعات الطبقية الثورية داخل المجتمع ، وسوف يحتاج المنتصر فى هذه النزاعات أيا من كان إلى رأس المال الذي هو فى أيدينا

- يجب ان نذروا أدراج الرياح كل المؤساسات والعقائد القائمة وذلك للسيطرة على المستسلمين الذين يعطوننا قيادتهم وحقوقهم بتركهم كل قواهم جانباً ، للتلهى بفكرة التحرر البلهاء

- حقنا يكمن فى قوتنا ، ويجب استعمال العنف بدلاً من المناقشات العلمية الهادئة ، فقانون الطبيعة يقضى بأن الحق هو القوة وما القوانين الوضعية إلا قوة مقنعة . لهذا يلزم إساءة استعمال وتطبيق قوانين الشعوب غير اليهودية ( الجوييم ) الداخلية والدولية وتفسيرها بشكل مناقض لروحها

- الفضائل الكبري الإجتماعية كالصدق والإستقامة هي عيوب كبري فى السياسة ، ويجب اللجوء للدسائس والخداع والتلفيق للوصول الى الحكم ، وأيضاً يتم اللجوء لذلك بعد الوصول الى الحكم للعمل على استقراره

- الثروات كلها فى أيدينا ، وللمؤتمرين الحق فى اغتصاب ممتلكات او اموال أي شخص من الجوييم بدون تردد .

 وسوف نبنى نظاماً على أساس أرستوقراطى النسب ، وسوف نخلق الأزمات الإقتصادية التى نفتعلها نقصاً فى المواد الغذائية ،مما يؤدى الى سيطرة رأس المال بدلاً من سيطرة الملوك بالنسب والسلطة الشرعية

- يجب ان تظل سيطرتنا علي رأس المال  خفية عن أعين الجميع ، حتى يأتى اليوم الذي تصل فيه هذه السلطة الى قوة يستحيل معها على أي قوة اخري ان تشكل خطراً عليها

-  من الضروري انشاء إحتكارات عالمية ضخمة بثرواتنا ، بحيث تسيطر هذه الإحتكارات على ثروات الجوييم مهما عظمت ، مما يؤدي الى انهيار تلك الثروات وبالتالى الحكومات ، وعندها ياتى اليوم الذي نضرب فبه ضربتنا الكبري للسيطرة على العالم وإقامة حكومتنا العالمية

- يتم ترشيح أشخاص يتمتعون بضعف الشخصية والخضوع لشغل المناصب العامة ، بحيث يكونون مطيعين لأوامر مستشارينا وخبرائنا المدربين والذين يعملون من وراء الستار

- يلزم السيطرة على وسائل الدعاية والإعلام باستعمال ثرواتنا الكبيرة

- يتم تدريب عملاء سريين لنا لشغل المناصب التربوية المختلفة فى المجتمع كالأساتذة والكتبة والمربيين ومربيات البيوت

- يقوم عملائنا السريون المنتشرون فى أقطار الأرض بنشر استعمال المشروبات الكحولية والروحية والمخدرات والفساد الأخلاقى وكافة انواع الرذائل بين الشباب الصاعد لدي مختلف الأمم لإفسادهم ، كما يتم تلقينهم النظريات الخاطئة لخداع عقولهم وافسادها

- انتقاء نساء للمتعة ، وليعملن فى أماكن اللهو والفجور التى يرتادها الجوييم ويضاف لهن بعض سيدات المجتمع اللواتى لديهن الإستعداد للفساد والمتعة والترف ، واللواتى سوف يتطوعن من تلقاء أنفسهن لذلك

- سيكون لنا فى الغرب منظمة على درجة من القوة والإرهاب بما يجعل أكثر القلوب بسالة ترجف أمامها ، وتلك هى منظمة الشبكات الخفية تحت الأرض ، وسنعمل على تأسيس منظمات من هذا النوع فى كل عاصمة ومدينة نتوقع الخطر منها

-  سيتم تكليف الماسونية الزرقاء ( درجة من درجات الماسونية تلزم أفرادها بالتحلى بصفات معينة زي الصبر وعدم الأنانية لتحقيق هدف معين ) بمهمة تنظيم النشاط التخريبي تحت ستار الأعمال الخيرية والإنسانية ، وسيعهد لأعضائها نشر العقائد الإلحادية المادية بين الجوييم ، ويقومون باستعمال الشعارات الشعبية والجمل الطنانة ، ويقدمون الوعود السخية للجماهير ، ومعلوم أن تنفيذ الوعود ليس له أهمية تذكر ،

 على فكرة للى مش عارف حاجة عن الماسونية وعايز يعرف ... ( تاريخ واهداف وشعار الماسونية مسجل على عملة الدولار وش وضهر ) دي مش لعبة ولا لغز

- سوف نسلك طريق الغزو التسللى لتجنب فظائع الحرب المكشوفة ونتائجها ، وبعد أى تمرد يكون حكم الإرهاب ضرورياً لنشر الذعر بين أفئدة الجماهير وإخضاعها بسرعة بأوفر التكاليف وبأشد الفاعلية ، وسنمارس وسائل الإرهاب كالإعدام بالجملة لتأمين خضوع الجماهير الأعمى لنا ، وبعد استعادة النظام والشرعية نقوم بإعدام المجرمين والهووسين الذين استعملناهم فى الإرهاب والفزع ، كمتقدمين ومخلِّصين للجموع المضطهدة ، وكابطال مدافعين عن حقوقهم 

-   يتم إثارة الحروب الإقتصادية عن طريق 

1-المنافسة عن طريق الأسعار لإخراج دول من السوق العالمية

2-تحطيم الثروات والمدخرات القومية للجوييم وإنزال الخراب بالأمة عن طريق إيجاد منافسة غير عادلة للتجار الوطنيين ، والعمل على ان يتم فرض ضرائب باهظة

3-العمل على رفع التكاليف لدى الجوييم المنافسين عن طريق سيطرتنا على المواد الخام ، وإثارة الشغب بين العمال ودفعهم للمطالبة بساعات أقل وبأجور أعلى ، على ان نتدبر عدم استفادة العمال من اى زيادات فى الأجور فى نفس الوقت

4-يتم تسليح الجوييم تسليحاً ثقيلاً ودفعهم الى الصراعات المنهكة

5-وعلينا إثارة الحروب دائما بحيث تكون منهكة لجميع الاطراف المتحاربة مما يؤدي الى وقوعهم فى مصايدنا فى الديون

6-ولابد من بعد كل حرب السيطرة على محادثات السلام التى تعقبها ، لتوجيهها بشكل لا يحصل فيه أي من المتنازعيين على مكاسب أساسية ، كما انه يلزم بعد كل حرب ممارسة أعمال الدبلوماسية السرية حتى يتم إحلال عملائنا المتخذين صفة الخبراء فى المراكز الحساسة الإقتصادية والسياسية بحيث يكونون مسيطرين على أي مفاوضات او أى اتفاقيات

وبدأ التحضير للثورة الفرنسية 1789 – 1799

بقية الموضوع هنا...

التدوينة الـ 17 ( عائلة روتشيلد ) الحلقة الثانية

حركة رجال المال التي تزعمها روتشيلد وموسى مونتفيوري

بيرجع أصل العيلة دي ( ده لو كان لهم أصل ) لمدينة فرانكفورت في المانيا فى سنة 1750 لما وصل الصايغ اليهودى أمشل موسي باور ، اللي جاي من اوروبا الشرقية

وقعد فى فرانكفورت واستقر  ، وفتح محل صرافة ،  وعلق على دكانه درع أحمر رمز لمهنته ، 
و كان عنده ابن صغير عمره 10 سنين اسمه ماير وكان الصراحة الواد شعلة ذكاء ،

المهم ، درب الأب الإبن على شغل الصياغة والصرافة والربا ، وشرب الإبن الصنعة والمهارة من أبوه ،
وبعد كام سنة كدة مات الأب  ، واشتغل الإبن فى بنك أوبنهايمر والحقيقة بذكائه ومهارته قدر فى فترة قليلة جداً يحوز على ثقة واعجاب الشركاء ، مش كدة وبس لأ ، ده كمان خلوه شريك معاهم فى البنك  

ولما رجع فرانكفورت عشان يمسك ويدير المؤسسة اللى أبوه تركها ليه وكان لسة على بابها الدرع الاحمر فى شارع اليهود ( يودنشتراسي ) ،  وعلى فكرة كلمة الدرع الأحمر بالألمانية يعني روتشيلد ، وعشان كدة قرر ماير تغيير اسم العيلة لـ روتشيلد وأصبح اسمه ماير روتشيلد 

وفى سنة 1770 قدر ماير بالتعاون مع المرابين اليهود انه يعيد تنظيم مؤسسة روتشيلد وكمان خلوها مقرللخطط والمؤمرات اليهودية للسيطرة على العالم ، 
مش كدة وبس ، ده كمان عملوا اتفاق مع آدم فايزهوابت أستاذ القانون الالماني المسيحى اللى اعتنق اليهودية ، 
وطلبوا منه يعيد تنظيم وصياغة البروتوكولات القديمة وترتيبها على أسس حديثة عشان ينفذوها لتحقيق الأغراض والمطامع الصهيونية القديمة

وفى سنة 1773 اجتمع ماير بـ 12 من أكبر وأغنى رجال الأعمال اليهود فى دار روتشيلد فى فرانكفورت ، وهناك تم التخطيط لإشعال الثورة الفرنسية 

واتفقوا على تأسيس مجموعة واحدة مهمتها الأولى والأخيرة هى تمويل الثورة الفرنسية 

ولأن الناس دي مش بتهزر وكل خطواتها مدروسة ، كان المخطط الى استقروا عليه هو

1-    عمل اضطراب إقتصادي وبطالة ومجاعة فى فرنسا عن طريق المناورة بثرواتهم الضخمة المتحدة

2-   التوقيع بين الشعب والملك والطبقات الغنية ورجال الدين والتشهير بالطبقات الحاكمة عن طريق نشر الفضايح الجنسية وتلطيخ سمعتهم

3-    التخطيط لأعمال إرهابية لنشر الذعر وتوليد روح الثورة

4-    بعد إثارة روح الثورة والتمرد ، تبدأ أعمال العنف الثورية اللى بدورها هتؤدي للثورة

5-    الحرص على سرية كل العمليات دي ، عشان ماحدش يعرف علاقة التنظيم بالثورة

بعد كدة وقف روتشيلد وقرأ على التنظيم الوثيقة اللى فيها
 خطة العمل السرية واللى من خلالها هيتم السيطرة مش بس على ثروات أوروبا ، لأ ، ثروات العالم كله ، 

(الوثيقة دي موجودة مع وليم جاي كار) أحد قادة الأسطول الكندي ومدير المخابرات الكندية وصاحب كتاب أحجار على رقعة شطرنج

الوثيقة بتقول ايه بقى يا سيدي؟ ..... أقولك فى الحلقة التانية ان شاء الله

بقية الموضوع هنا...

التدوينة الـ 17 عيلة روتشيلد (الحلقة الأولى)

 حركة رجال المال
التي تزعمها روتشيلد وموسى مونتفيوري

تمهيد 

عيلة روتشيلد ماكنتش شخص واحد لأ دي كانت مجموعة أشخاص من نفس الجد انتشروا فى الأرض
حاجتين كانت بتجمعهم ... حب اليهودية وحب المال 
وهدف واحد كانوا بيجروا وراه هو إقامة دولة يهودية باى وسيلة حتى لو كانت عن طريق السيطرة على العالم كله

عيلة روتشيلد من أغنى العائلات على الإطلاق وهي المالك الحقيقى لبنوك كتيرة منها سيتى بنك وكمان تملك كتير من الشركات العالمية الضخمة وشركات البترول والمناجم والتعدين والتقنية والكمبيوتر والسلاح ، 
العيلة دي كانت بتبيع السلاح للدول والاطراف المتحاربة وأوقات كتير بيقرروا امتي تنتهي الحروب دي ولصالح مين

عيلة روتشيلد عندهم قاعدة اساسية ماشيين عليها نشعل الحروب ونجني الملايين

عيلة روتشيلد تجار سلاح والحروب بالنسبة ليهم استثمار ،

عيلة روتشيلد مرابين لأن ديون الدول نتيجة الحروب دي بالنسبة ليهم استثمار ، حتي اعادة البناء والعمران بعد الحرب برضه استثمار

عيلة روتشيلد كانوا أذكياء جداً ، انتهازيين جداً ، يهوديين جداً جداً

عيلة روتشيلد كانت السبب المباشر أو غير المباشر فى قتل 6 رؤساء امريكيين منهم ابراهام لينكون ، تايلور ، هريسون ، جاكسون ، غارفيلد ، وكتيرررر من اعضاء الكونجرس وأصحاب البنوك

عيلة روتشيلد أصحاب أكبر رشوة فى التاريخ لعيلة ملكية مقابل الحصول على وعد بلفور

وزارة الخارجية .....

2 من نوفمبر 1917
"عزيزي اللورد روتشلد / يسرني جدًّا أن أبلغكم بالنيابة عن حكومة صاحب الجلالة التصريح التالي الذي ينطوي على العطف على أماني اليهود والصهيونية، وقد عرض على الوزارة وأقرّته:

" إن حكومة صاحب الجلالة تنظر بعين العطف إلى تأسيس وطن قومي للشعب اليهودي في فلسطين، وستبذل غاية جهدها لتسهيل تحقيق هذه الغاية، على أن يكون مفهومًا بشكل واضح أنه لن يؤتى بعمل من شأنه أن ينتقص الحقوق المدنية والدينية التي تتمتع بها الطوائف غير اليهودية المقيمة الآن في فلسطين، ولا الحقوق أو الوضع السياسي الذي يتمتع به اليهود في البلدان الأخرى.وسأكون ممتنًا إذا ما أحطتم اتحاد الهيئات الصهيونية علمًا بهذا التصريح."

المخلص آرثر بلفور

عيلة روتشيلد عشان يحققوا هدفهم عملوا حاجات كتيرة جدا غير مشروعة ، ربا ، سرقة ، قتل ، مؤمرات ، دسائس ، تنظيمات سرية ، اشعال فتن وثورات وحروب ، تشهير واساءة لسمعة الملوك والنبلاء ، السيطرة على اقتصاد الشعوب ، وجر شَكَل أى دولة مش عجباهم

عيلة روتشيلد من أهم صفاتها النفاق ، يعنى فى البداية كانت رافضة الصهيونية ومشاريع هرتزل وساهمت فى تأسيس عصبة يهود بريطانيا اللى كانت ضد الصهيونية
، لكن لما الامور اختلفت بعد كدة واتأكدت العيلة دي ان وجود كيان صهيوني استيطانى فى الشرق هيخدم مصالح بريطانيا ، أيدت بشدة مشاريع وخطط الصهيونية ، وخصوصاً ان الصهيونية كانت أحسن حل لتحويل هجرة شرق أوروبا لفلسطين بعيد عن انجلترا وغرب أوروبا

عيلة روتشيلد كانت سبب مباشر في الثورة الفرنسية سنة 1789

عيلة روتشيلد قدرت ( متحدة ) في تكوين امبراطورية اقتصادية  كانت نتيجتها قيام دولة اسرائيل

عيلة روتشيلد قدرت بكل سهولة تتسبب فى الإحتلال الإنجليزي على مصر سنة 1882 اللى فضل أكتر من 70 سنة

عيلة روتشيلد هي اللى مَولِّت مبنى الكنيست الإسرائيلي والمحكمة الإسرائيلية العليا بالقدس الشريف

عيلة روتشيلد كانت سبب فى اسقاط الاتحاد السوفيتي سنة 1991

عيلة روتشيلد قدموا الدعم المالى (الرشوة يعني) للفاتيكان وأصدر الفاتيكان البيان الشهير اللى بيبرأ اليهود من دم المسيح وبالتالى اتوقفت كل صور اللعن والسب اللى كانت بتقام في صلوات الكنائس الكاثوليكية فى العالم

عايز تكمل وتتعرف أكتر على العيلة دي ...تابع بقية الحلقات  

بقية الموضوع هنا...

حركة شبتاي زيفى ( الجزء الثانى )

حركة شبتاى زيفى ( الجزء الثانى )

وهناك قابل ناثان بنيامين ، وده دجال برضه إدَّعى النبوة فى الوقت ده ، لكن تأثير شبتاي كان ليه مفعول السحرعلى الجميع بما فيهم ناثان اللى صدَّق شبتاي جداً ، وآمن بيه بصورة كبيرة ، لدرجة أن ناثان كان بيفسر كل سلوكيات شبتاي الغريبة في ضوء النصوص التوراتية ، يعني شبتاي عمل كدة عشان التوراة بتقول كدة  ، وشبتاي بيقول كدة عشان التوراة فيها كدة ....

حتى إن ناثان أقنع شبتاي إن الوقت بقي مناسب  عشان يطلع على الناس ويقولهم انه المسيح المنتظر  ، وابتدي ناثان يمهد الطريق لـ شبتاي بكل الوسائل ، واستخدم الحيل والألاعيب الغريبة والطريفة فى نفس الوقت عشان يقنع الناس إن شبتاي هو المسيح ،

 ومن الحيل دى ان فى ليلة من الليالي كان ناثان قاعد بينشد ويدعى وماكنش شبتاي موجود ، وفجأة أغمى على ناثان وفضل يردد شوية كلام غريب زي

" اسمع يا ناثان الى محبوبي ، واعمل كما يقول لك ، اسمع لمحبوبي شبتاي صبي " 

وكرر الكلام ده  ثلاث مرات  لما فاق واسترد وعيه قال للناس ان شبتاي هو ملك اسرائيل وهو المخلص لهم …

بعد كدة وبعد مرور أيام طلع ناثان بحدوتة جديدة وقال إنه عثر على ورقة هى جزء من رؤيا حاخام كان عايش فى القرن الـ12 وكان مكتوب فى الورقة اللى هى الرؤيا :

أن شخصا اسمه شبتاي صبي سيولد لمردخاي في عام 1626 م وسيكون هو المسيح الحق الذي سيكون خلاص اسرائيل على يديه وتكون مملكته ابدية

بعد كدة أعلنها شبتاي صريحة وقال إنه هو المسيح وسافر على تركيا لإتمام الدعوة أما ناثان فـ قعد فى غزة يدعو الناس للإيمان بـ شبتاي المسيح المخلص وفضل شبتاي وناثان يبعتوا ن رسايل للعالم كله إن خلاص الوقت حان وان المسيح المخلص شبتاي هيجمع كل اليهود فى أرض فلسطين

وكبرت الدعوة .... وزاد عدد المؤمنين بـ شبتاي لدرجة إن اليهود صدقوا الكدبة وكانوا بيدعوا لـ شبتاى في صلاواتهم  على إنه فعلا ملكهم ومسيحهم المخلص حتى إن الدعاء في معبد هامبورج اليهودي كان

" اللهم يا ناصر الملوك وصانع الأمراء بارك لنا حاكمنا الملك الصالح شبتاي صبي مسيح رب يعقوب "  

ووصل الحال بـ شبتاي إنه يقسم الأرض بلاد ويعين ملوك عليها كمان ، وبالمرة كان ليه أخوين إتنين أعطى لكل واحد منهم نص الأرض وخلاه ملك عليها وسماه ملك الملوك

أما حياة شبتاي العائلية فكانت طبعاً غريبة جدا ، فهو تزوج مرتين ومقربش من أي واحدة فيهم ، وطلقهم ،

 وكان أصحابه بيفسروا ده بأنه نوع من الطهارة والتبتل ، ولما الناس كانت بتسأله انت ليه ماتجوزتش لغاية دلوقتي يا شبتاي ؟؟ 

 يرد عليهم ويقول .... 
إن الروح القدس قد اوحى له بإن زواجه من المراة المناسبة لم يحن بعد .....

أما سارة زوجته الثالثة فـ سماها ملكة فلسطين ، والحقيقة الست دي كانت هي كمان عجيبة شويتين ، لأن كان بيتحكي عنها حكايات غريبة زي أنها كانت بتتنبأ للناس بالمستقبل  ، وكانت بتقول ان ملاك ظهر ليها  ، وقال لها إنها هتكون زوجة المسيح المخلص ..

المهم زاد عدد المؤمنين والتابعين لـ شبتاي وهو كمان زاد فى إدعاءاته وإفتراءاته ،  لدرجة أنه حلل قتل أي يهودي لا يؤمن بدعوته وقال إن القاتل " يثاب على عمله وتلحقه بركة دائمة " وكان بيوقع رسائله مثل " ابن الله البكر " و " ابوكم اسرائيل " وكذلك " انا الرب إلهكم شبتاي صبي "

وكان شبتاي متأكد إن رسالته ودعوته مش هـ تتم إلا بالذهاب للـ قسطنطينية وإقناع السلطان محمد الرابع إن هو المسيح المنتظر ، وفعلا راح الباشا فى موكب كبير على القسطنطينية  ،

وإتقبض عليه هناك ،  ولما سأله الضابط عن إسمه ، رد شبتاي وقاله أنا راجل دين جاي من أورشليم ، وجاي أجمع تبرعات وصدقات لفقراء فلسطين ، لكن الكلام ده ماجابش نتيجة واتحبس شبتاي شهرين ،

ولما حان الوقت عشان يقابل السلطان ركبوا خبطت فى بعض ، وقال لأتباعه أنا خايف من المقابلة دي ، إستغربوا جدا من كلام شبتاي لأنه كان دايماً بيقول لهم إن الدولة العثمانية هتسقط على إيده وهيستلم هو الحكم قريب جدا !!

ولما فشل شبتاي في اقناع السلطان بقصة إنه الماشيح المخلص خاف وأنكر أنه المسيح ، وانه عبارة عن حاخام يهودي فقير ، ومافيش أي حاجة فيه تميزه عن غيره ،لكن السلطان طبعاً معجبوش الكلام ، وقرر إنه شبتاي لازم يتعاقب على الأقل لأنه آثارالإضطرابات ،

وعندها عرض على شبتاي الاسلام وكان جوابه بأنه يسعده أن يكون مسلما اختيارا ودون اكراه من أحد ،

وفعلاً ... أشهر شبتاي إسلامه قدام السلطان ، ودخل الحمام ، وبدل هدومه ، ولبس العمامة

أما ناثان ففسر التحول الكبير ده بإن دخل عالم المسلمين عشان يحطمهم لا لكي يخلصهم وهذا سر الاسرار ، لأن تظاهر شبتاي بالاسلام يثبت إنه هو المسيح المخلص والدليل  أن "موسى المخلص الأول عاش في قصر فرعون متبعا دين الفراعنة ظاهرا ومبطنا دينا آخر"

بعد كده أسلم كتير من أتباع شبتاي حتى ممثلوا قبائل اسرائيل الإثنى عشر أعلنوا إسلامهم  بنفس الطريقة ونفس الحيلة – إسلام من الظاهر ويهودية من الباطن- ودي كانت البذرة الرئيسية والنواة الاولى لطائفة الدونمة

ولأن شبتاي كان ليه أعداء ومعارضين كتير وخصوصاً الحاخامات اللى فتنوا عليه ،  وسربوا أخبار بتقول إن شبتاي كان قاعد هو وأتباعه لابسين اللباس اليهودي وحولهم النساء والخمر وبينشدوا الاناشيد اليهودية ،

وكانت الحادثة دي كافية لنفى شبتاي لمدينة دولسينجو فى ألبانيا وفضل شبتاي عايش هناك لغاية وفاته سنة 1676 م

تعريف بسيط لطائفة الدونمة

كلمة دونمة بالتركية يعني العائدون أو الراجعون ، وكمان زي ماانتوا شايفين كدة ، دي أصلا فرقة يهودية أعلنوا اسلامهم ، وتخلوا عن أسمائهم اليهودية  ،وغيروا هدومهم ولبسوا ملابس المسلمين ، لكن فضلوا يمارسوا العقيدة اليهودية فى السر

والغريب ان كان ليهم سلطة وقوة ونفوذ داخل الدولة العثمانية  ، لدرجة إن فى أقوال بترجح إن السلطان عبد الحميد كان بيخاف منهم  ، وكان حزر جدا معاهم ومكانش بيأذي أى حد منهم ،

وامتد نفوذهم للوظايف الكبيرة فى الدولة العثمانية زي مثلاً ابراهيم غلانته اللى كان عضو فى مجلس الأمة وكان أستاذ في جامعة اسطنبول ،كمان كان فيه نسيم مصلياح ممثل مدينة أزمير فى مجلس الامة ، وحقى باشا السكرتير الخاص لرئيس الوزراء ، ومحمد جاود بك وزير المالية ،حتى إن مصطفى كمال أتاتورك مؤسس العلمانية التركية كان من يهود الدونمة ،

أما فى العصر الحديث فـ هنلاقى إن زوجة رئيس وزراء تركيا السابق بولند اجاويد السيدة رحشان ارال هي من الدونمة وكانت رئيسة حزب الشعب الجمهوري ،

وكمان أم السيدة تانسو جلر رئيسة وزراء تركيا فى التسعينات من الدونمة برضه

 بكدة بقي .....  يبقي عرفنا ليه العلاقات التركية اللإسرائيلية متينة و زي الفل ، وعرفنا كمان ليه تركيا كانت من أوائل الدول اللى اعترفت بإسرائيل ، وعرفنا كمان ليه الحجاب بيتحارب في تركيا !!!

ولازال أتباع شبتاي مستنيين عودته من جديد ولسة بيدعوا ويرددوا ويقولوا

" اللهم ، اله الحق ، االه اسرائيل ، الذي يسكن مجد اسرائيل ، ارسل لنا المخلص العادل منقذنا شبتاي صبي وعجل في ظهوره في أيامنا هذه آمين "

بقية الموضوع هنا...

حركة شبتاي زيفى (الجزء الأول )

حركة شبتاى زيفى ( الجزء الأول )

---------------------------------

حركة شبتاي زيفى أو(محمد عزيز البواب)عبارة عن حلقة فى مسلسل الدجالين اليهود !!

أه... الدجالين اللى كانوا بيخدعوا ، ويكدبوا ، ويلعبوا على أوتار الحكاية إياها بتاعة الألفية والخلاص وعودة الماشيح ... إسطوانة مشروخة اتحفظت عن ظهر قلب ،

 ورغم كدة كل شوية يجي لهم واحد ويقول لهم (( انا المسيح المنتظر )) والكارثة إنهم بيصدقوه!! ويبايعوه ملك عليهم ...

 أسهل حاجة فى الدنيا تبقي ملك على اليهود !! حبة همبكة ، خيال واسع ، وهدمة مقطعة ، وشوية حِكَم ومواعظ ، وكلمتين إتنين (( أنا المسيح )).... 

وعلى فكرة .... مش شرط تكون يهودي عشان تبقي ملك على اليهود أو يبقى لك كلمة عليهم ...لأ...لأ ... انت ممكن تكون مسلم كمان ... تصور ؟!! 

أه .... زي ما حصل مع أبو عيسى الأصفهانى اللى ظهر اواخر الدولة الأموية وأوائل الدولة العباسية ... انا فاكر اننا اتكلمنا على الراجل ده وعملنا له تدوينة لوحده 

المهم إن شبتاي زيفي ماكنش أول ولا آخرواحد إدَّعى المشيحانية ( أو دور المخلِّص ) ، لكن بالتأكيد هو أشهرهم على الإطلاق  ورغم ان حركة شبتاي استمرت سنة واحدة بس إلا انها كانت كفيلة بنشأة المحفل الماسونى سنة 1675 م واللى من خلاله تم اسقاط الخلافة العثمانية 

لكن هي إيه أصل الحدوتة

 تعالوا نرجع بالزمن لسنة 1626 م وبالتحديد فى شهر أغسطس فى مدينة أزمير التركية لما اتولد شبتاي من أب وأم يهوديين ، اتربي كويس، واتعلم فى المدارس الدينية لغاية ما بقى حاخام قد الدنيا 

والحقيقة إن شبتاى زيه زي  أي صاحب فكر أو منهج جديد، كان عنده قدرات خلاقة ،وذكاء فطري ،وطموح زايد شوية، قدر يوظفهم كويس عشان يقنع أتباعه بإنه المخلص الجديد ،وأب اسرائيل ،وابن الله ،

منتهى التدرج المنطقى للهوس واللوث العقلى !

ورغم ان أغلب الكتابات عن شبتاي كانت بتقول انه كان شخص مكتئب وكان مريض بحالة من المزاج الدوري ( Cyclothmia) ..

حاجة كدة زي الشعرة ساعة تروح وساعة تيجى ، بمعنى انها حالة من النشاط والهمة وبعدين يجي بعدها على طول حالة من الفتور واليأس ،

إلا ان برضه كان ليه أتباع وصدقوه لدرجة أنهم كانوا بيقولوا ان حالة النشاط والهمة دي عبارة عن استنارة ، أما الحالة التانية فأطلقوا عليها حالة استتار الوجه ( وجه الإله ) 

وكان شبتاى فى الحالة الأولى يقعد يغني وينشد المزامير ، أما فى الحالة التانية كان بينعزل ويعيش فى وحدة وبالمرة يقاتل روح الشر والشياطين !

ومن الحاجات الظريفة فى شخصية شبتاى انه كان منطلق بخياله قوي لدرجة انه كان بيقف ويرفع عينه فى الشمس ويصرخ فيها انها تقف ، طبعا الشمس ماكنتش بتقف ولا حاجة !

بعد كدة ...   وفى ليلة من ليالى سنة 1648 م ... شبتاي جاب من الآخر بقي!!  وجمع تلاميذه وقالهم أنا المسيح المنتظر وحكى لهم حدوتة صغيرة قال فيها انه :

في احدى الليالي من عام 1648 م هبط عليه روح الله عندما كان يتمشى في الليل على بعد ساعتين من المدينة حيث سمع صوت الله يقول له :

أنت مخلص اسرائيل ، انت المسيح بن داود ، المختار من قبل رب يعقوب ، وانت المقدر لك انقاذ اسرائيل  ، وجمعهم من اركان الأرض الأربعة على ارض أورشليم

طبعا الناس عرفت ورجال الدين جالهم الخبر فقرروا يواجهوا شبتاي باللي قاله لكن شبتاي رفض فحكموا عليه بالجلد والخروج من مدينة أزمير

وراح شبتاي يعيش في سالونيك اللى كانت فى الوقت ده مركز الجالية اليهودية فى الدولة العثمانية  ، واستمر فى سلوكه الغريب والعجيب وادعائاته المريبة ،

لدرجة انه فى ليلة من الليالي عزم رجال الدين عنده على العشا ، ولما حضروا وقف قدامهم ، وفى ايده مظلة زواج وإيده التانية فيها التوراة ، وبدأ فى عقد مراسم الزواج بينه وبين التوراة ،

ولما سألوه ايه اللى انت بتعمله ده ؟ قال لهم ان أى حد مؤمن بالتوراة وملتزم بيها هو زوج لها ،

وقعد ينطق باسم يهووه .... رغم ان الكلمة دى محرمة علي أى يهودي ينطقها خارج التوراة ، لكن ممكن يقول كلمة السيد أو الرب بدلاً منها 

لكن شبتاي قال طالما انا المسيح المنتظر فأنا عندى حق أقول اللى انا عايزه وفى المرة دى برضه اتطرد من سالونيك وراح على القسطنطينية وساعتها  استقبلوه أهلها أحسن استقبال 

وفضل  شبتاي مستمر فى  مسلسل المواقف والطرائف ده لغاية ما فى يوم من الايام اشتري سمكة كبيرة ولفها بقماش ووضعها في المهد ، ولما سمع الحاخامات باللى حصل سألوه ايه ده يا شبتاي :قال لهم
إن خلاص اسرائيل سيكون تحت رمز الحوت أما بالنسبة للمهد فهو رمز يشير الى النمو البطيء لخلاص اسرائيل عند ظهور المسيح

طبعاً الجنان ده كانت أخرته إن اتطرد شبتاى من القسطنطينية وماكنش قدامه غير فلسطين وفعلا سافر على هناك ...

بقية الموضوع هنا...

حركة منشه بن إسرائيل 1604ـ 1657م

اتولد منشه أو مناسح بن اسرائيل سنة 1604 م فى جزيرة ماديرا فى البرتغال، ولأن الوضع كان خطر جدا هناك بسبب القهر والتعذيب اللى كانت بتمارسه محاكم التفتيش فى الوقت ده ، اضطرت العيلة كلها تهاجر على هولندا سنة 1610 م ،

ورغم المشاكل المادية اللى اتعرضت ليها العيلة في البداية إلا ان مناسح اتعلم كويس وظهر براعة كبيرة فى دراسة التلمود والكتاب المقدس وعلم اللاهوت فى سن صغير جداً ، ده غير انه كان خطيب مفوه وموهوب ،الأمر اللى خلاه حاخام الطائفة اليهودية في امستردام ، وكان ليه الفضل فى تأسيس الطباعة والصحافة العبرية هناك سنة 1626 م ،

حركة منشه بن اسرائيل تعتبر البذرة الحقيقية لوعد بلفور لأنها ببساطة قامت على استخدام بريطانيا فى تحقيق هدف الصهيونية بمعنى أوضح إن بريطانيا اتعملت كوبري !! عشان اليهود يوصلوا لفلسطين .. طب ايه الدليل ؟ هقولك ...

بس الأول نرجع بالذكرة تدونتين تلاتة وبالتحديد لـ التدوينة رقم 11 لما كنا بنتكلم عن اضطهاد اليهود فى انجلترا ... إنزل كدة لغاية آخر 4 أو 5 سطور .... أيوة ... بالظبط .... عند ....

طبعا خاف اليهود وهربوا وراحوا علي فرنسا وكان وراهم الشعب الانجليزي بيسب وبيشتم فيهم وبيضرهم بالحجارة وبيكسر وراهم القلل وكان ده هو الجلاء الكبير لليهود ....

فاكرين المشهد ده ؟ طيب تفتكروا اليهود هيسكتوا على موضوع الطرد والإهانة دى ... لا ابداً ...كل رجال الاعمال ومحتكروا الذهب اليهود فى فرنسا وهولندا والمانيا وقفوا وقفة رجل واحد واجتمعوا على الإنتقام من انجلترا بأي شكل وبأي طريقة ،

فضلت انجلترا  400 سنة مافيهاش ولا يهودي لغاية ما سقطت الأندلس وتشتت اليهود تاني ... آسف – أقصد عاشر- ساعتها رجع شوية من اليهود لانجلترا بس بنية عاد لينتقم

وابتدت منظماتهم برئاسة اليهودي دي سوزا سفير البرتغال فى انجلترا في تنفيذ كل المخططات الشيطانية ، أثاروا الفتن ، الإضطرابات ، الهدم ،التخريب ، وسوسوا فى كل ودن ، وزرعوا الحقد فى كل نفس لدرجة انهم فرَّقوا بين الملك وحكومته ، وبين صاحب العمل والعامل ، وبين الكنيسة والدولة ، مؤامرات ... مؤامرات ...

حتى الشعب الإنجليزي ماسابهوش فى حاله ، قسموه لـ معسكرين بروتستانتي وكاثوليكي ، حتى المعسكر الواحد قسموه نصين البروتستانتي اتقسم ملتزمين ومستقلين ، اتفرج يا عم !

وليم جاي كار... أحد قادة الاسطول الكندى و مدير المخابرات الكندية في كتابه أحجار على رقعة الشطرنج قال بالنص في الصفحة رقم 23

((ولما وقع الخلاف بين ملك انجلترا شارل الأول وبين البرلمان ، اتصل عملاء المرابى اليهودي (مناسح بن إسرائيل ) - الحقيقة مش عارف اذا كان قصده فعلا ان مناسح مرابي ولا كان قصده على اصحابه وبعض رجال الاعمال اليهود - بالقائد المعارض أوليفر كروميل وعرضوا عليه مبالغ طائلة من المال إن استطاع تنفيذ مشروعهم الخفىَ ))  اللى هو طبعا الإطاحة بالعرش البريطانى وبالملك

اوليفر كرومويل ابريل 1599م – سبتمبر 1658م

كان عضو بارز في البرلمان الإنجليزي وقائد لقوات البرلمان بس الحقيقة تقال ان الراجل ده كان غريب شويتين ، فرغم انه كان حافظ للإنجيل ، إلا انه كثيرا ماكان بيصطدم برجال الدين فى انجلترا ، وكان متمرد ومش بيحب يطيع أوامر السلطات والمسؤلين ، وكان بيعتقد انه شخص ربنا اختاره عشان يحكم بريطانيا وفعلا حصل الكلام ده بس بمساعدة اليهود

حتى ان الزعيم اليهودى البرتغالى (( فردينانديز كارفاجال )) اللي كتب اليهود بتسميه بـ (اليهودى العظيم ) كان المخطط العسكري لـ كرومويل والصراحة الراجل مقصرش مع كرومويل جاب أنصار كرومويل اللى كاونوا معروفين فى الوقت ده باسم (الرؤوس المستديرة) وحولهم لـ جيش منظم وعمل على تهريب مئات من المخربين والمرتزقة لـ انجلترا وعمل بيهم شبكات سرية كان بيديرها (( دي سوزا )) سفير البرتغال فى انجلترا الامر اللى وفر التغطية الدبلوماسية للتخطيط الاجرامي

طيب ده كلام جميل ...

ازاي بقي تم الاطاحة بالملك وبالعرش؟؟

وازاي قدر كرومويل بمساعدة اليهود جعل انجلترا جمهورية ؟؟

وفين دور مناسح بن اسرائيل هنا ؟؟

سيناريو الإطاحة اتعرف بعد كدة من رسايل نشرتها مجلة Plain English   بتاريخ 3/9/1921 الرسايل دي كانت بين حاخام كنيس مولجيم فى هولندا ابن عيزر برات وبين كرومويل نفسه

واحدة بتاريخ 6/5/1647 من كروميل الى الحاخام ابن عيزر برات قال فيها

 (( سوف ادافع عن اليهود فى انجلترا مقابل المعونة المالية ، ولكن ذلك مستحيل مادام الملك شارل لا يزال حياً ، ولا يمكن اعدام الملك دون محاكمة ، ولا نملك حالياً أساساً وجيهاً للمحاكمة بما يكفى لاستصدار حكم بإعدامه . لذلك فإننا ننصح بإغتياله ، ولكننا لن نتدخل فى الترتيبات لإعداد قاتل ، غير أننا سوف نساعد فى حالة هروبه ))

ورسالة تانية بتاريخ 12/7/1647 رد من الحاخام ابن عيز برات الى كرومويل قال فيها

(( سوف نقدم المالية حالما يتم إزالة شارل ، وقبول اليهود فى انجلترا ، ولكن الإغتيال خطر جداً ، وينبغى إعطاء شارل فرصة للهرب ، وعندئذ سيكون القبض عليه سبباً وجيهاً للمحاكمة والإعدام . وسوف تكون المعونة سخية ، ولكن لا فائدة من مناقشة شروطها قبل البدء بالمحاكمة ))

عايز اقولكوا ان ....

يوم 12/11/1647 تم تدبير فرصة لهرب الملك شارل وفعلا هرب وقبض عليه كرومويل

ويوم 2/12/1648 تنازل شارل عن كل حاجة وبقت السلطة فى ايد كرومويل

ويوم 9/1/1649 تمت محاكمة شارل في محكمة تلت اعضائها من جيش كرومويل

وكان المدعى العام فيها واحد يهوديي عميل لـ مناسح بن اسرائيل اسمه إسحق دوربسلاوس واتحكم على الملك بالاعدام وتم تنفيذ الحكم في 30/1/1649 علناً بالمقصلة قدام دار الضيافة في وايتهول بلندن

وبكدة ....

يبقى انتقم اليهود من طردهم على ايد ادوارد الاول قبل 400 سنة ( شوفت اليهود مش بينسواازاى ؟ )

بعد كدة طلب

مناسح بن اسرائيل من حكومة كرومويل انها تتحمل مسؤليتها تجاه اليهود يعنى تعمل على توطين اليهود داخل الجزر البريطانية وتجيبهم من كل مكان فى الدنيا وتلم شملهم بقى وتجمعهم بعد الشتات تمهيداً لإعادة توطينهم فى الوطن الأم فلسطين

 طبعاً ده مش ببلاش ماتخافش يا كرومويل الفلوس كتير بس اللى يصرف انت بس هات اليهود انجلترا وحلاوتك محفوظة ، والمرابين وبتوع القمار والدعارة أكتر ناس هتساعدنا ، اليهود ممكن تعمل اي حاجة ... أأأأأى حاجة ، في سبيل هدف واحد ( فلسطين )

بقية الموضوع هنا...

حركة دافيد روبين وتلميذه سولومون مولوخ 1501ـ 1532م

التدوينة الـ 14 
 حركة دافيد روبين وتلميذه سولومون مولوخ 1501ـ 1532م

ديفيد رؤبينى

 David Reuveni

باختصار كدة ... ده دجال يهودى ظهر فى العصور الوسطى خلال القرن الـ 16 وحاول انه يقدم للغرب مشروع لغزو فلسطين وانتزاعها من ايد المسلمين وطردهم منها

اما هويته ... وأصله فالصراحة محدش يعرفها ، لأن معظم اخبار وحواديت الراجل ده كانت من مذكراته ، أو من شوية الرسايل اللى كان بيكتبها

عموماً هو كانت رواياته عن نسبه وأهله متضاربة ،

مرة يقول انه ابن ملك اسمه سليمان وأخوه يوسف كان ملك برضه على قبائل رءوبين وجاد ومنسّي فى خيبر قرب المدينة المنورة ، ومرة تانية بيقول انه رسول ملك اسمه يوسف

المهم ان الراجل ده قعد يتنقل من بلد لبلد لغاية ما وصل روما وهو راكب فرس أبيض  ( دى احدى علامات المسيح أو الماشيح ) لكن الحقيقة الراجل ماقالش ولا مرة أو ادعى انه الماشيح 
رغم ان اليهود فى الوقت ده (بصراحة مش الوقت ده بس ده كل وقت ) كانوا زي الأرض الخصبة اللى ممكن تستقبل أى دجال ، أو مدعى نبوة ، أو مخِّلص ،

لكن ديفيد كان حابب يظهر بمظهر القائد العسكري اللى عايز يحارب ،ويحرر ، وينتزع ، والحقيقة دى كانت نقطة فى صف التطلعات العسكرية اليهودية

كمان الراجل كان عايز يستغل أي حاجة في تحقق طموحه بغض النظر عن الوسيلة عشان كدة راح لأوروبا لأنه عارف انها لا يمكن تسيب الشرق في حاله ،

كان متأكد ان الاستيلاء على القدس والمقدسات اللي فيها هي أكبر تعزيز وتثبيت لسلطة البابا 

المهم وصل روما على فرس أبيض  ( واخدين بالكوا من دخلة الماشيح دي ) وراح للبابا كليمنت السابع سنة 1524 م  وقاله ان أخوه معاه 300.000 جندى مدربين ومستعدين للحرب وانتزاع القدس بس يا خسارة مافيش سلاح وطلب من البابا السلاح اللازم عشان يقدروا يطردوا المسلمين وياخدوا فلسطين

 والحقيقة ان يهود روما تعاطفوا جدا مع ديفيد اللى أثَّر فيهم قوي  ، لدرجة انهم كانوا بيلموا له فلوس عشان يعيش كويس طبعاً ماهو سفير ملك اليهود !!!

بعد كدة راح ديفيد على البرتغال سنة 1525م وقابل هناك الملك وقدر انه يحوز على ثقته واعجابه لكن شعبية ديفيد كبرت ووسعت قوي فى البرتغال بعد ما تدخل وتوسط لوقف محاكمات يهود المارانو اليهود اللى كانوا بيجبروا علي اعتناق المسيحية ( شوفت اليهود حصل لهم ايه بعد سقوط الدولة الاسلامية في الاندلس !!) 

المهم ان ديفيد أصبح ليه معجبين أو تابعين مخلصين وكان من بين الناس دي واحد اسمه ديجو بيريس  كان سكرتير ملك البرتغال ، كان متأثر جداً بديفيد ، آمن بيه جداً وتحمس له ‘ لدرجة انه  اتهوَّد واختتن وسمى نفسه سلومون مولوخو أو سليمان الملك  

سـولومون ملوخـو 

Solomon Molcho

المهم ان الإتنين عملوا ثنائي ناجح واستقروا شوية في سالونيكا (عاصمة المارانو ) درسوا هناك القبّالاه ، حاجة كدة زي الصوفية عن المسلمين ومعناها بالعربي التلقى او الاستقبال وفيه ناس فسَّروها على انها ((مجموعة من المعلومات السرية التى يجوز الكشف عنها فقط لأناس معينين ابتداء من سِن معينة ، من ذوي المزايا الاخلاقية، وتعالج العالم الالهي والصلات بينه وبين عالم الانسان)) 

العيال الصغيرة لأ ،

المراهقين لأ ،

المتجوزين أه ،

الناس الكبيرة الفاهمة أه ،

المهم ان سولومون فى الفترة دى الف كتاب ونشره وسماه الدراشوت يعني ( المواعظ ) عبارة عن مواعظ مليانة ادعاءات مشيحانية

ولما وقعت روما سنة 1527 م فى إيد تشارلز الخامس ملك اسبانيا افتكر سولومون ان هي دي النهاية والخلاص جاي ، رجع ايطاليا سنة 1529 م ولمْ الناس حواليه وجذبهم بالمواعظ اللى كان بيكتبها ويقولها حتى ان فيه مسيحين ابتدوا يعجبوا بكلامه ويصدقوه ،

وعاش سولومون الدور وصدق نفسه انه الماشيح وعشان يرسم القصة صح ، لبس ملابس الشحاتين وقعد 30 يوم مع المرضي والعجزة والشحاتين فى كوبري على نهر التيبر فى روما ، وسطع نجم سولومون بعد ما تنبأ ان فيه فيضان هيحصل فى روما وكمان زلزال فى البرتغال وفعلا حصل الكلام ده الأمر اللى خلى البابا كليمنت السابع يمنحه الحماية سنة 1530 م لكن دوام الحال من المحال ، جاءت محاكم التفتيش الاسبانية المشهورة ،

(المحاكم اللى جاءت بعد سقوط الاندلس وكانت سبب في مقابر جماعية للمسلمين وكانت بتجبرهم انهم يعتنقوا المسيحية) ،

المهم ان فيه واحد وشي على سلومون وقال ان سلومون ده كان مسيحى أبطن اليهودية ثم اظهرها وطبعاً محاكم التفتيش ماكنتش عايزة يهود ولا مسلمين فأمرت بحرقه ، لكن البابا تدخل وأمر بحرق واحد تاني غيره ،

بعد كدة راح سولومون على شمال ايطاليا قابل هناك أستاذه ديفيد رؤبيني سنة 1532 م وقرروا يروحوا سوا لتشارلز الخامس ملك الإمراطورية الرومانية المقدسة عشان يقنعوه يبعت جيش من يهود المارانو للحرب ضد الدولة العثمانية وانتزاع فلسطين ،

بصراحة الراجل ماتأخرش وعمل معاهم احلى واجب ، سلمهم لمحاكم التفتيش اللى أمرت بحرق واعدام سولومون وسجن ديفيد رؤبيني اللى  لقوه ميت مسموم فى السجن بعد كدة 

بقية الموضوع هنا...