هلل واستهبل واستعبط

هلل واستهبل واستعبط

واستعرض نفسك باللؤم

وافضل مستنكر ومندد 

وممدد على كرسي الحُكم

طب ما انت مطبَّع مع ليفى

ومسلِّم دقنك لـ كوهين

وسيادتك أرضك متَّاخدة

ومحتلة ومقسومة إتنين

وسعادتك عادتك معروفة

الشجب وضرب الكفين

وجنابك دايماً بتهاود

ومطاطى الراس والخدين

وجلالتك مبسوط بالكرسى

والحاشية الماشية فــ صفين

وعَظمتك ساكت ومسكِّت

الأمة بقالك قرنين

وفخامتك مش بس مطَبَّع

لأ ده انت مرَكِّب قرنين

وفضيلتك أصبحت موظف

واهى فرصة تطلع قرشين

ونيافتك جايب م الآخر

ومركِّب دايماً وشين

وسموك على أرضك قاعدة

بتوجه صواريخها لـ فين ؟

ومعالى الغالي مِكَبَّرها

ومنَفض ومغَمض عين

إخوانَّا مش لاقية اللُقمة

مع ذلك كرشك مترين

خليك متعلَّق بالكرسي
ومتعلَّق فى رقبتك دين

بقية الموضوع هنا...

يا أُمتي أنِّت عشانك أنِّتي ...!!

يا أمتي آنِّـــت عشانــك آنِّـتـي

يا أمتي دبلت في أرضك جنتي

أحلام كتيرة إتبخرت

ووعود كبيرة إتأخرت

وأماني كانت ع السلام

جــف السلام وإتحجرت

يا أمتي آنِّــت عشانـك آنِّــتــي

يا أمتي همك قتلني في همتي

شايفك حتت متقسمة

شايفك كمان مستسلمة

شايف علي أرضك هوان

وعيون كتير متيتمة

يا أمتي آنِّــت عشانـك آنِّــتي

يا أمتي حـالـك محيـــر دنيتـي

ربك هديكي بكل خير

شمس وطبيعة وناس وطير

في إيديكي ثروة لكنها

دايماً في سير بتروح لغيـر

يا أمتي آنِّـــت عشانك آنِّـــتي

يا أمتي نزلـت عشانك دمعتـي

إبنك تِعب مَلْ وضَجر

سافر بِعِد عنك هجر

سافر وساب لك دبلته

مع قلب مقسوم ع الشجر

يا أمتي آنِّـــت عشانـك آنِّـــتـي

يا أمتي يا ذكريااتي ف غربتـي

يا لمَّة بين أهل وجيران

يا شلـة مـن كـل الببــان

هنا قبة خضرا وراها مدنة

في أرض عدرا ودير كمان

يا أمتي آنِّـــت عشانـك آنِّـــتي

يا أمتي غنيت عشانك غنوتـي

غنيت بصوت عالي اسمعيه

وإديـه أمــان ولا تمنعيــه

واحميه وخديه من أي زيف

لـ يجـيـه نزيف وتضيعيه

يا أمتي آنِّـــت عشانـك آنِّـــتي

يا أمتي عايـش علي أمنيتـي

أرجع لحضنك وارتمــي

وارتاح في ضلك واحتمي

وبكل فخر وعزَّة أقول

للأمــة دي أنا بانتمـي

بقية الموضوع هنا...

فينك يا عُمر فينك يا صلاح

فينك يا عمر .... فينك يا صلاح
تيجوا ترجعوا .... القدس اللي راح

القــــــــــــدس الأمــانـــــــــة

يتــــــــــــذَّل بمهـــــــانـــــــة

ويــــــــدوق الإهــــــانــــــــة

ويضيــــــع مننـــــــــا

*******

والإيـــــــــد الجبــــانــــــــــة

مليـــــانــــة بــــدمـــانــــــــا

مســـــؤلـــة ومـــدانــــــــــة

ومـــاحــــدش هنــــــا !!!

********

ميـــــــن ينجـــدنــــــا ميـــــــــــــــن ؟؟؟؟

مــــــــش لاقيـــــــــين معيـــــــــــن

ليــــــه الكـــــل واقــــــف مكســـــورالجنـــــاح

فينـــــــــــك يـــاعمـــــر فينــــــــــك يــــا صــــــلاح

تيجــــــــواتــرجعـــــوا.... القــــــدس اللـــي رااااح

الأقصــــــــي فـ مكـــــانــــه

بيصــــررررَّخ أذانـــــــــــــه

الإســــــــــلام مكـــانــــــــــه

فين من كل ده ؟؟؟؟

*******

بيــــــــــت لحــــــم وكيـــــانـــه

وحطــــــــانه اللـــي هــانــــوا

ميــــــن يــــرضــــي بهـــوانـــه

ويسلم كدة ؟؟؟؟

******

ميـــــــــــن ينجــــدنـــا ميــــــن؟؟؟؟

مـــــــــــش لاقييــــــن معيـــــن

ليـــــه الكــــل واقـــــف مكســـــــــور الجنـــــــاح

فينــــــــــك يــــــا عمـــــرفينـــــــك يـــــــا صـــــــلاح

تيجـــــــــوا تــــرجعـــــوا.... القــــــدس اللــــي رااااح

ذنــــــــــب الأب إنــــــــــــــه

ضـــاعــت أرضـــه منــــــــه

ضـــــــاع الإبـــــــن منـــــــه

برصـــاص العــدا

*******

ذنـــــــــــب الإبـــــــن إنـــــــه

الأحــــــــــلام فــــــي ننــــــــه

مـــــــااهتمــــــــــوش بسنــــه

واغتـــالـوا النـــدا

*******

ميــــــــــــن ينجــــدنـــا ميـــــن؟؟؟

مــــــــــــش لاقييـــــن معيـــــن

ليـــــــه الكـــــــل واقــــــف مكســـــور الجنـــــاح

فينـــــــك يـــا عمــــــــر ؟؟؟فينــــــــك يــــا صـــــلاح

تيجــــــوا تــــرجعــــــــوا ... القـــــدس اللـــــي رااااح

بقية الموضوع هنا...

مش هـ نصدر غاز لـ يهود

مش هـ نصـدَّر غاز لـ يهـود

مش هـ نطبَّـق أى عهــود

مش هـ نلـوث إيدنـا ونمضـى

بنَّــا وبنهــم أي عقــود

مش هـ نمِـد الغـاز للغـازى

مش هـ نسـاعد فاشى ونازى

مش هـ نسلِّم خيرنا لـ غيرنـا

ماحناش قاعدين فيها غـوازى

مش هـ نمرمـغ راسنا فـ طيـن

مش هـ نبيعـك يـا فلسطيـن

واللـى هـ يجـى يفــرَّق بنـا

هـ يبقـى غريمنـا ليـوم الديـن

إحنــا لا عـزبــة ولا دُكــان

ولا هـ نطـبَّــع مهمــاً كــان

ولا هـ نوافــق يلعــب بينــا

أو يتحكِّـــم فينــــا كيـان

وعـد وخدنـاه علـى نفسينــا

وحيـاة دم الشُهـدا في سينــا

مش هـ نبيـع الغـاز لـو حتـى

حطُّــوا على رقابنـا السكينـة

جيبنـا آخرنــا خـلاص وزهقنـا

والموضـوع دة بجــد خـانقنــا

يعنى مــن الآخــر علـى تكَّـة

ونقلـب ع اللى منشِّـف ريقنــا

مش هـ نخُـش فى أى خُصـومـة

ولا هـ نقـول بُورريه يا حكومـة

بس مادام الشعب اتحرررك


مش هـ تقوم للنااايم قوووومة

بقية الموضوع هنا...