طول الفترة اللى بين سيدنا موسى – نبى اليهود – وبين سيدنا سليمان ماكنش فيه مكان للعبادة عند اليهود اللهم الا خيمة اسمها خيمة الاجتماع حاطين فيها تابوت العهد اللى فيه لوحات الوصايا العشر وكل شوية يتنقلوا بالخيمة دى من مكان للتانى ... شعب مشتت من يومه
حتى بعد ما بناه سيدنا سليمان وزوقه وروقه جاء نبوخذ نصر ودمره على الأخر سنة 586 ق
بعد كده اتعاد بناءه لما قورش بتاع الفرس استولى على سوريا وفلسطين سنة 538 ق م والصراحة الراجل ده يُشكر .... لأنه سمح للأسرى اليهود يرجعوا للقدس ويبنوه تاني بعد 48 سنة قعدوها في بابل
فضلت فلسطين تحت الحكم الفارسى كتير ؟؟ أه كتير قول 200 سنة وفى سنة 332 ق م نجح الإسكندر الأكبر فى فتح القدس
فى الاول ماحصلش لليهود حاجة لكن بعد كدة لما اتصارع البطالمة والسلوقين على السلطة بدأ القمع والاضطهاد ووقعت القدس في ايد البطالمة اللى اسروا وسبوا عدد كبير جدا من اليهود وشحنوهم على الاسكندرية
لكن سنة 198 ق م سقطت القدس في ايد السلوقيين وفى عهد الملك انطيخوس الرابع تم فرض الحضارة الإغريقية على اليهود بالعافية وتم حرمانهم من ممارسة الشعائر والطقوس الدينية واجبارهم على اعتناق الديانة والوثنية اليوناينة وتدمير الهيكل وتم تغيير اسم القدس الي انطاكيا
يا نهار ابيض ع الذل
واخيرا ثار اليهود .. لولولولولي وعملوا ثورة اسمها المكابين سنة 167 ق م وانسحب السلوقيين ونال اليهود استقلالهم ..
هو مش استقلال قوي يعني لأنهم زي ما انت عارف ماكانوش يقدروا يعيشوا احرار .. يحبوا قوي عيشة الذل وعشان يضمنوا العيشة دى عملوا حلف مع الرومان وخضعوا ليهم لما سيطر الرومان على المدينة سنة 63 ق
بس الحقيقة الرومان ماكنوش أقل من اللى قبلهم ودخل الامبراطور الروماني القدس سنة 63 ق م ودنس المعبد
ومع توالى الحكام الرومان كان الحكام اليهود عبارة عن لعب او عرائس بيتم الحكم فيهم بسهولة يعنى لا شخصية ولا نخوة حتى بعد ما اتصلب المسيح على ايد بنطس البيلاطي سنة 29 م ولا اتحركوا ولا اتهزت ليهم شعرة الا فى سنة 66 م ثاروا لكن كانت ثورة خايبة وفشلت فشل ذريع
وفى سنة 70 وفى عهد نيرون اتدمر المعبد نهائيا على ايد تاتيوس اللى قتل عدد لا بأس به من اليهود
وفي سنة 132 وفي عهد الامبراطور هادريان قامت اليهودة بثورة فاشلة تانية بقيادة باركوخيا قال ايه عايزين يعيدوا بناء الهيكل !! راح مدمر القدس على الاخر وحرق المعبد وخلاه مالوش أي أثر وبنى مدينة جديدة على انقاض مدينة القدس وسماها ايلينا كابتولينا وحرَّم على اليهود دخولها ..
ليه كدة بس؟
ليه تستفزوا الراجل ؟
احسن .. تستاهلوا
عارفين يا جماعة .. المؤرخين بيقولوا ان دي كانت بداية نهاية الوجود اليهودي في فلسطين
يا نهار ابيض يعني ايه الكلام ده ؟
يعنى بعد كدة اتشتت اليهود في كل أنحاء الدنيا لغااااية سنة 1948
وبعدما أعتنق الإمبراطور قسطنطين المسيحية (330 - 683) أعاد اسم أورشليم وقامت والدته هيلانه ببناء الكنائس فيها لكن اسم إيلياء ظل متداول بين الناس إلى أن فتحها المسلمون وتسلمها الخليفة عمر بن الخطاب سنة 15هـ/ 636م وأعطى أهلها
المهم ان خلاص موضوع المعبد بكدة اتقفل وماتفتحش تانى الا في بدايات القرن الـ 20 وبالتحديد بعد وعد بلفور لما ظهرت كتابات في صحف اوروبا بتنادى باعادة بناء المعبد في فلسطين
لكن أول الخطوات العملية في هذا الاتجاه يوم 20/3/1918 لما وصلت بعثة يهودية بقيادة حاييم وايزمن إلى القدس وقدمت طلبا إلى الحاكم العسكري البريطاني آنذاك الجنرال "ستورز" تطالبه بإنشاء جامعة عبرية في القدس وتسلّم حائط البراق (المبكى) في الحرم القدسي، إضافة إلى مشروع لتملك أراض في المدينة المقدسة
بس يا سيدي ... ومن ساعتها واليهود هاتك يا زن زن زن
شويةعايزين نبني المعبد
وشويةعايزين نلاقي الهيكل
وشوية عايزين نحفر
وشوية عايزين نهد المسجد الاقصى اصل المعبد تحتيه
طب نعمل انفاق
طب نبنى واحد جديد
يوووووووه .... لغااااية دلوقتي
انا بس عايز اعرف حاجة ..
المعبد ده اتبنى واتهد ورجع اتبنى تاني ورجع اتهد اكتر من مرة مااسمعناش يعني في كل مرة يتهد او يتبني عن علاقته بالمسجد الاقصى
وبعدين المسجد الأقصي اتبني في عهد سيدنا آدم أو سيدنا ابراهيم لكن الهيكل اتبني في عهد سيدنا سليمان يعني فيه فارق زمني كبير جدا
ومش معقول يعني سيدنا سليمان هــ يهد المسجد الأقصي عشان يبني مكانه الهيكل .. حاجة ما تخشش العقل
الحاجة التانية ان الصهاينة من 67 لغاية دلوقتي قاعدين يحفروا ويحفروا ولا فيش أثر لحاجة ..
ايه ده .... ده لو بترول كان طلع
ليست هناك تعليقات:
إرسال تعليق