تعاريف الحلقة الأولي
العبرانيون هم خليط من الشعوب الآسيوية السامية القديمة واللي بيرجع نسبهم إلى سام بن نوح عليه السلام وقد استقروا لفترة في أرض كنعان أي فلسطين القديمة ، العجيب بقي ... إن إنتشر بين الناس سوء فهم كبير ... قاااال إإإإإيه العبرانيون هما اليهود .... دي طبعاً تأليفة يهودي...إذا كان بني إسرائيل الأوائل وعلي رأسهم سيدنا يعقوب نفسه كان من العبرانيين ...مش كدة وبس .. لالالا ... دة سيدنا إسحاق أبو سيدنا يعقوب كان من العبرانيين ...دة حتي سيدنا إبراهيم كان منهم سبب التسمية ********** في كذا رواية بتفسر سبب تسمية الناااس دي بالعبرانيين (1) لأنهم عملوا زي ماعمل سيدنا إبراهيم ... هاجر من العراق إلي فلسطين وصحراااء الشام ..وعبر نهري دجلة والفرات (2) نسبهم إلي عابر ودة إسم شخص ذكر إسمه في التوراة وحسب التوراةالراجل دة من نسل سام ابن سيدنا نوح وهو برضه أحد أجداد سيدنا إبراهيم تعالي بقي نتعرف علي رأي واحد من المؤرخين إسمه جوستاف لوبون قال إيه الراجل دة بالنص عن بني إسرائيل الأوائل ... قال ((كان بنو إسرائيل أقل من أمة، حتى زمن شاؤول وكانوا أخلاطاً من عصابات جامحةكانوا مجموعة غير منسجمة من قبائل ساميّة صغيرة أفاقة بدوية، تقوم حياتهاعلى الغزو والفتح وانتهاب القرى الصغيرة، حيث تقضي عيشاً رغيداً في بضعة أيام،ثم تعود إلى حياة التيه والبؤس )) كتاب اليهود في تاريخ الحضارات الأولي كنعان هي أرض فلسطين الأن سبب التسمية ********* (1) نسبة إلي كنعان بن سام بن نوح عليه السلام (2) تعني اللون الأحمر الأرجواني عشان لون بشرتهم أو لون صبغة كانوا مشهورين بصناعتها (3)المقطع كنع يعني عكس عالي وبالتالي يعني الكنعانيون هم سكان الأراضي المنخفضة سفر التكوين سفر التكوين هو أول أسفار التوراة وأول أسفارالتناااخ ...أيوة التناااخ ...متستغربش ((ماتقلقش كله هتعرفوا في وقته)) وهو برضه أول أسفار العهد القديم عند المسيحيين مكتوب فيه حكايات وأحداث من بدء الخليقة لغاااية سيدنا يوسف يعني مكتوب فيه مثلاً إزاي ربنا خلق الكون وإزاي خلق الإنسان ..وإزاي ربنا إختار سيدنا نوح وأرسله عشان ينذر البشرية كلها ويحذرهم من الطوفان اللي جاي ليهم وكمان مكتوب فيه دعوة ربنا سبحانه وتعالي لسيدنا إبراهيم وسيدنا إسحاق وسيدنا يعقوب أبو الأسباااط 
الملك منفتاح في ناس بيقولوا ... دة فرعون موسي وفي ناس بتقول ... لأ... دة واحد غيره أصل كان في 3 منفتاح ... منفتاح الأول ومنفتاح الثاني ومنفتاح الثالث في ناس بتقول ... دة ابن رمسيس الثاني .. وكان اسمه برنبتاح أو منفتاح
ليست هناك تعليقات:
إرسال تعليق