الحلقة الأولي ... البداية بدو

أهلاَ بيكم مرة تانية في مدونتي التاريخ قبل الطبيخ .

الحقيقة كنت محتار أبدأ منين ....

قديم ولا جديد ؟ جرائم ولامجازر ؟ حروب ولا إحتلال ؟

الحقيقة الناااس دي تاريخها قذر علي الآخر ... أأقصد ... تاريخها دسم علي الآخر

عموماَ أنا ها بدأ من الأول خالص ... من أول كلمة في أول سطر ...

كان ياااااما كان ... ولا يحلي الكلااام إلا بذكر النبي صلي الله عليه وسلم

البــــدايـــــة سنة 3500 قبل الميلاد

كان فيه قبيلة إسمها كنعان من شبة الجزيرة العربية جاءت و قعدت واستوطنت في فلسطين ... طبعاً ماكنش إسمها فلسطين في الوقت دة كان إسمها ... أرض كنعان ... علي إسم القبيلة دي

الناس دول ياجماعة كانوا مهرة جدا وبناة حضارة لدرجة إنهم بنوا كذا مدينة معروفة زي القدس ونابلس وإريحا وبيسان وعكا ويافا ...

وفي سنة 2000 قبل الميلاد هاجر العبرانيون بقيادة سيدنا إبراهيم من العراق ... اللي كان إسمها في الوقت دة - أور-

تفتكروا راحوا علي فين ؟؟ طبعا راحوا علي فلسطين ... أأقصد أرض كنعان ... وقعدوا وإستقروا هناك .. مش بس كدة ..لأ ... و خدوا حتة كمان من سيناء واستقروا هناك

الكلاااام دة إمتي ....؟ يعني قول كدة سنة 2000 - ق . م - يعني قبل سيدنا موسي بألف سنة ... وعشان نكون أكثر دقة يا جماعة ... الشعوب دي ما بدأتش حياتها الإقتصادية في التجارة والربا علي طول .. لألألأ ... الناااس دي بدأت حياتها زيها زي أي مجتمع بدائي ... بدأوا الأول في الرعي وبعدين تطور بيهم الأمر للزراعة وكانوا شطاار جدا في الزراعة كمان

طب سؤال هنا ؟

إشمعني فلسطين بالذات اللي النااس دي إختاروها ؟

أولاَ الناس دي ... اللي هي العبرانيين كانوا رحالة .... في البلد دي شوية والبلد دي شويتين .

لكن ليه فلسطين بالذات ... قاااال إيه ..... عشاان دي الأرض اللي ربنا وعدهم بيها ...!!!

يا سلاااام ... مين اللي قال كدة ؟ سفر التكوين اللي قال كدة ....

وسفر التكوين دة بيحكي قصة البشرية وسيرة الأنبياء من أول بدء الخليقة لحد سيدنا يوسف عليه السلام

والتاريخ بيقول إن مصر في الوقت دة كانت واخدة أجزاء من فلسطين ... زي إريحا

والدليل علي كلامي إن بعثة إسمها جارستانج أو Garstang لما نقبت علي آثار في المنطقة دي لقت مئات من المزهريات والهدايا الجنازية اللي بيرجع تاريخها لعهد الهكسوس في مصر

المهم ...

شوكتهم قويت في كنعان وبقالهم ضهر... لكن للأسف ... حصلت مجاعة كبيرة ... قعدوا يتسرسبوا واحد ورا التاني وجماعة ورا التانية علي مصر إنما التاريخ ماذكرش إمتي بالظبط بدء الوجود الفعلي ليهم .. وجم علي مصر إزاي ... يعني جم عبيد ولا أحرار ...

لكن تعالي نقف شوية مع سورة سيدنا يوسف واحنا نتعرف علي شوية ملامح لبني اسرائيل

المجتمع المصري في الوقت دة كان منقسم لأربع طبقات .

الطبقة الأولي ...العائلة الملكية

ليها كل الحقوق والإمتيازات ... استغفر الله العظيم زي الآلهة يعني

) وَقَالَ الْمَلِكُ ائْتُونِي بِهِ أَسْتَخْلِصْهُ لِنَفْسِي 54 (

الطبقة التانية ... الآشراف من المصريين

وهم علية القوم وماسكين الشئون التنفيذية في البلد ... بالظبط زي الوزراء دلوقتي ... وربنا سبحانه وتعالي سماهم الملأْْْ ومنهم العزيز صاحب يوسف وهامان مع فرعون اللي كان شغَّال في منصب زي كدة رئيس الوزراء في عصرنا الحالي

( وَقَالَ الْمَلِكُ إِنِّي أَرَى سَبْعَ بَقَرَاتٍ سِمَانٍ يَأْكُلُهُنَّ سَبْعٌ عِجَافٌ وَسَبْعَ سُنْبُلاتٍ خُضْرٍ وَأُخَرَ يَابِسَاتٍ يَا أَيُّهَا الْمَلَأُ أَفْتُونِي فِي رُؤْيَايَ إِنْ كُنتُمْ لِلرُّؤْيَا تَعْبُرُونَ ) 43

( وَقَالَ الَّذِي اشْتَرَاهُ مِنْ مِصْرَ لامْرَأَتِهِ أَكْرِمِي مَثْوَاهُ عَسَى أَنْ يَنفَعَنَا أَوْ نَتَّخِذَهُ وَلَدًا) 21

الطبقة الثالثة ... عامة المصريين

ودول بقي كانوا بيشتغلوا في وظايف عادية وكان ليهم بعض الإمتيازات وكان منهم شوية من بني اسرائيل دة طبعا في عهد سيدنا يوسف

الطبقة الرابعة ... العبيد ... عن طريق الشراء أو ماشابه

وأغلبهم كانوا مش مصريين ، وكانوا من بني اسرائيل من بعد يوسف عليه السلام لغااااية سيدنا موسي عليه السلام ... كانوا مالهومش طبعاً أي امتيازات ولا حقوق وكانوا بيشتغلوافي الزراعة والبناء والخدمة عشان قوت يومهم وكان منهم صاحبي السجن ...

( يَصَاحِبَيِ السِّجْنِ أَأَرْبَابٌ مُتَفَرِّقُونَ خَيْرٌأَمْ اللَّهُ الْوَاحِدُ الْقَهَّار ) 39

واللي كان بيغلط منهم ... ياويله ياسواد ليله .. كان بيتسجن أويتعذب عذاب شديد أو يتقتل من غير حتي محاكمة !! خصوصاَ لو كان خصمه مصري ... وقعتوا سودة !! دي ملامح بني اسرائيل في الوقت دة ...

بعد سيدنا يوسف بشوية ... فضلوا مشردين ومضطهدين في مصر ... لغاااية ما أنقذهم سيدنا موسي ورجعهم تااني علي أرض كنعان ..عن طريق الجنوب الشرقي .. ودة طبعاً كان في زمن رمسيس التاني سنة 1250 أو إبنه منفتاح سنة 1225 قبل الميلاد طبعا

إسمع الحكاية دي

كان فيه فرعون مصري اسمه منفتاح الراجل دة إشتهر بحبه الشديد لتعذيب بني اسرائيل وبقية شعب فلسطين ... ماتنساش إن في الوقت دة ... (كانت أجزاء من فلسطين تابعة لمصر) لدرجة إنهم في مرة ثاروا عليه ... سكت ليهم ؟ لأ طبعا طرد هم من مصر شر طردةو دوِّن علي لوحة كبيرة الكلااام دة

لقد غُلب الملوك وقالوا سلاما ..

وخربت تحينو ...

وهدأت أرض الحيثيين ...

وإنتهبت كنعان ، وحل بها كل الشرور ...

وخربت إسرائيل ، ولم يعد لأبنائها وجود ...

وأصبحت فلسطين أرملة لمصر ...

وضمت كل البلاد وهدئت ...

وكل من كان ثائراً قيده الملك منفتاح

محدش يسألني يعني إيه الكلاام دة ؟

أنا زيك مش فاهم حااجة ..... ها نعمل إيه ...

هي دي الترجمة المتوفرة عندي