أنا أخون اذن أنا من صهيون

التدوينة الخامسة

بعد حركة باركوخبا والفشل الذريع اللي صاحب الحركة دي وبعد الدمار -آخر حاجة - اللي لحق بالقدس والهيكل قرر الامبراطور هدريان ان المسحيين بس هما اللي يقعدوا في ايليا كابيتولا ( القدس ) بشرط ان مايكونش حد منهم من أصل يهودي

وبكدة يكون الرومان دمروا القدس مرتين

مرة في عهد نيرون سنة 70 م

ومرة في عهد هدريان سنة 135 م

وفضل اليهود متشتتين في كل حتة شوية

اللي راح اليمن واللي راح الشام واللي راح الجزيرة العربية واللي راح علي اوروبا واللي راح علي مصر

ولماجاء الامبراطور قسطنطين سنة 314 م واللي اعتنق الديانة المسيحية وجعلها الديانة الرسمية لفلسطين سمح لليهود يزوروا المدينة مرة واحدة في السنة (التاسع من آب العبري) للإعراب عن حزنهم على خراب هيكل سليمان

وقالوا ... إن أمه الله يكرمها الست هيلانة هي اللي أمرت بهدم هيكل المشتري – التمثال بتاع هدريان - " جوبيتر " وبنت كنيسة القيامة 335 م

وفضلت المدينة .. مدينة السلام .. في سلام وأمن مدة كبيرة جدا تخيل من سنة 135 م الي سنة 614 م

انا بيتهيألي دي اطول فترة سلام عاشتها القدس على مر تاريخها

المهم ان بعد مرور السنين دي ضعفت الدولة الرومانية في الوقت اللي اليهود كانوا لابدين في الدرة يعني مستنين الفرصة المناسبة عشان يرجعوا القدس تاني

بس ازاي ؟

ازاي ؟

طبعا كلنا عارفين ان زمان كانت المنافسة بين الفرس والروم شديدة جدا الطرفين كانوا عايزين يسيطروا علي الدنيا كلها ويكوشوا علي الثروات في العالم كله واستمر التنافس ده من أيام الاسكندر الأكبر لغاااية الفتح الاسلامي

المهم ان في سنة 614 م زحف الفرس بقيادة شهرباز لـ ايلياء ( القدس ) وحاصر الفرس المدينة لمدة 20 يوم ودخلوها بعد كدة بمساعدة الحلفاء التقليديين ليهم طبعا وهم اليهود اللي كانوا عارفين مداخل ومخارج المدينة وحافظين اماكن السراديب والانفاق اللي من خلالها تقدر الفرس تدخل القدس بسهولة

20 الف يهودي يا معلم ساعدوا الفرس علي دخول القدس وفعلا وقعت المدينة في ايد الفرس واليهود وخد عندك بقي

حريق

وقتل

وتدمير

ومقابر جماعية

اقترفها اليهود والفرس في حق المسيحيين

وحرق لأغلب الكتب المقدسة المسيحية

لدرجة ان المؤرخين قالوا ان عدد النصاري اللي اتقتلوا وصل 35 ألف اتدفنوا في مقابر جماعية زي مقبرة الجماجم أو مغارة الجماجم

وفي احصائيات بتقول ان اللي اتقتلوا من المسحيين في الوقت ده مابين 60 الف و 90 الف

ده طبعا غير الكنائس اللي اتهدت واتدمرت زي كنيسة القيامة .. يا راجل ده حتي الصليب المقدس ( الصليب اللي النصاري بيعتقدوا ان المسيح صلب عليه ) خدوه الفرس وبعتوه لعاصمتهم في الوقت ده وهي المدائن ( مدينة شرق بغداد)

أما اليهود بغبائهم دمروا الهيكل ع الاخر عشان مايوقعش تاني في ايد الروم
وتقديرا لدور اليهود الكبير وعشان خيانتهم الجليلة و اللي ساهمت في انتصار الفرس علي الروم واحتلالهم فلسطين شكر الفرس اليهود وعطوهم اورشليم

المهم ان الفرس وصل جبروتهم وسطوتهم لغاية مصر ووقعت الاسكندرية في ايدهم سنة 619 م

وسبحان الله يا اخي مصر في الوقت ده كانت سلة القمح للامبراطورية البيزنطية معلش الشيء بالشيء يذكر

بسم الله الرحمن الرحيم

"غُلِبَتِ الرُّومُ فِي أَدْنَى الْأَرْضِ وَهُمْ مِنْ بَعْدِ غَلَبِهِمْ سَيَغْلِبُونَ، فِي بِضْعِ سِنِينَ لِلَّهِ الْأَمْرُ مِنْ قَبْلُ وَمِنْ بَعْدُ وَيَوْمَئِذٍ يَفْرَحُ الْمُؤْمِنُونَ"

صدق الله العظيم

وكانت الاية العظيمة دي أكبر دليل في الوقت ده علي عالمية وصدق الدين الاسلامي

.. ياسلااااااام ...
يعني في عز سطوة واجتياح الفرس للمدن الواحدة ورا التانية تيجي الاية دي وتقلب موازين القوي وتعلن عن عودة الروم تاني في بضع سنين اي أقل من 10 سنين

وفعلا استعاد البيزنطيون القدس علي ايد هرقل اللي قام ب 3 حملات عسكرية ضد الفرس ونجحوا الحملات كلها باقتدار

والحكاية من اولها ان سنة 622 م ( سنة اولي هجرة) حصل انقلاب عسكري وقدر هرقل حاكم قرطاجة يستولي علي القسطنينية (نسبة الي الامبراطور قسطنطين ) فاكرينه ؟؟وهي كانت عاصمة الدولة الرومانية والبيزنطية

بعد كدة المهم الراجل ده أعاد تنظيم جيشه ووقف في وش الفرس وتصدي ليهم بمهارة عالية جدا

لدرجة انه راح يحارب الفرس في عقر دارهم وبرضه بمساعدة الخزر اليهود التركيين لما شن حملة وراح بيها عن طريق البحر الاسود ووصل ارمينيا وقابل شهراباراز الفارسي وانتصر عليه في نفس الميدان الذي هزم فيه الإسكندر جيوش الفرس، وقت ما زحف على أراضي مصر والشام

وكان نتيجة لكدة ان هرقل خلص اسيا الصغري من ايد الفرس

بعد كدة عرض هرقل الصلح على كسرى لكنه رفض مش كدة وبس ده بعت لهرقل رسالة كلها شتائم ليه و للمسيحية

عشان كدة رجع له هرقل سنة 623 م ووصل مدينة جانزاك عاصمة الساسيين وكانت مركز ديني مهم هناك لكن كسري هرب وبلغ فرار ووقعت المدينة في ايد هرقل اللي ماصدق وحرق وهدم أكبر معبد ماجوسي للفرس زي ما عملوا في بيت المقدس من سلب ونهب

وفي عام 624م عاد للحرب من جديد لكنه مقدرش يتوغل في كل الأراضي الفارسية ، وحصلت في الوقت ده نكسة لهرقل وقدر الفرس والآفار من مهاجمة القسطنطينية في عام 226م لكن القوات البيزنطية هزمت الآفار وردت خطرهم ثم أوقعت بالفرس هزائم جديدة

وواصل هرقل زحفه على أرض فارس فوصل نينوى في عام 627م وقامت في المكان ده معركة حاسمة خسر فيها الفرس خسارة فادحة وقدر هرقل انه يهزمهم أشر هزيمة بس المرة دي بدون مساعدة الخزر اللي خانوه وسابوه

بعد كدة واصل هرقل زحفه عام 628م واستولى على داستا جرد مقر ملك الفرس فخرج منها كسرى اللي اتعزل بعد كدة وقتل وتولى بعده أبنه قباذة الثاني اللي عمل عهد مع بيزنطة وكان من اهم بنوده

- استرداد بيزنطة كل ممتلكاتها بما فيها أرمينية والجزيرة الفراتية وسوريا وفلسطين ومصر

- اعادة الصليب المقدس الي بيت المقدس

وبعد ما تخلص الروم من الفرس مشى هرقل حافياً إلى القدس حاملاً ما يسمى بالصليب المقدس عام 630

وبعد رجوع هرقل إلى القسطنطنية استقبله أهلها استقبال الأبطال، وحمل له الشعب أغصان الزيتون ورتلوا المزامير وهتفوا باسمه

لكن يا فرحة ماتمت لأن ماعدِّش علي هرقل وقت طويل الا ولقي نفسه بيواجه الجيوش الاسلامية وبعد معركة اليرموك فتحت الشام وبعدها علي طول الفتح الاسلامي لمصر وشمال افريقيا

لكن انا عايز اشير لحاجة

لما دخل هرقل القدس ماسبش اليهود وقتل عدد كبير منهم انتقاماً من ذبحهم المسيحيين ساعة ما دخل الفرس للقدس

وسبحان الله بعد 9 سنين حاصر المسلمون القدس وأبدوا رغبتهم في دخولها بدون حرب فأجريت المفاوضات لغاااية ما تم على إثرها تسليم المدينة بدون حرب

ودي كانت أول مرة

تخضع القدس لحاكم بدون دم

كمان كانت أول مرة في التاريخ

يمنح فيها المسيحيون واليهود معاً الحرية التامة في ممارسةالعبادة

كما سمح عمر بن الخطاب لليهود المنفيين بالعودة والحياة في القدس