اليهود في الأندلس ( الحلقة التاسعة)

اليهود والسلطة في غرناطة

بعد المجهود الكبير اللي عملوه الموحدون في الحفاظ علي الدولة الاسلامية في الأندلس وبعد الانتصارات المتتالية علي الصليبين وتحرير مدن اندلسية كتير من ايديهم طبعا بعد كل ده لازم يضعف الموحدون ومنحني القوة في الدولة الاسلامية يقل وينزل

وكانت أول هزيمة للموحدون في معركة العُقاب سنة 609 هـ - 1212 م وسميت بالاسم ده لأنها وقعت بالقرب من حصن أموي اسمه العًقاب

وبالمناسبة الهزيمة دي كانت أول مراحل انفراط العقد الأندلسي وسقوط المدن الاسلامية الواحدة وراااا التانية

لكن الحقيقة غرناطة هي المدينة الوحيدة اللي فضلت وقاومت وقدر المسلمين يحتفظوا بيها ويأسسوا مملكة صمدت اكتر من قرنين من الزمان في وش القوة الصليبية

وكان أول مؤسس للملكة دي او السلطنة دي هو أبو عبد الله محمد بن يوسف بن نصر المعروف بابن الأحمر

وبرغم قوة الأسبان والممالك الصليبية المجاورة لغرناطة الا ان بنو الأحمر فضلوا أقوياء وصامدين

*المهم ان اليهود في الفترة دي كانوا بيلبسوا ملابس تميزهم عن غيرهم من المسلمين (عشان يتعرفوا يعني )

*وكان سلاطين غرناطة بيستخدموا بعض التجار اليهود جواسيس علي النصاري الأسبان في الممالك المجاورة لكن الحقيقة ان ولا يهودي اتعين في اي منصب حكومي كبير في غرناطة

*ماسمعناش ولا قرأنا عن أي تمرد لليهود في الوقت ده وكمان ماسمعناش او قرأنا أي ثورة ولا انتفاضة علي اليهود زي ما كان بيحصل في السابق ( في عصر باديس أيام يوسف ابن نغدلة )

*غرناطة بقت ملجأ لأي يهودي يهرب من اضطهاد النصاري ليهم وده طبعا مش بسبب ظلم النصاري لكن بسبب الممارسات اليهودية زي الربا والديون انتوا عارفين بقي ...

*كان الطبيب اليهودي يحيي بن الصائغ هو الطبيب الخاص لبني الأحمر في أواخر القرن الـ 18 الهجري الـ 14 الميلادي وكان وقتها السلطان أبا الحجاج يوسف الثاني واللي اكتشف ان الطبيب يحيي حط ليه السم بتدبير وتخطيط من خالد القائم بدولته فقام الحجاج بقتل خالد وبعد كده سجن الطبيب يحيي وبعد شوية قتله هو كمان

*وبعد المذابح المروعة اللي حصلت لليهود علي ايد النصاري الاسبان في اشبيلية وبعدين باقي المدن الاسبانية سنة 794 هـ 1391 م وبعد ما اتدمرت معابدهم واجبروا علي التنصير هاجر اليهود لـ غرناطة بأعداد كتيرة جدا

*الحقيقة ان اليهود بعد كدة ردوا الجميل ده أضعاف مضاعفة لما وقفوا جنب النصاري ضد المسلمين في الحرب اللي اسقطت غرناطة !!

والدليل ان في سنة 894 هـ - 1488 م حصل صاموئيل أبو العافية علي حماية الملكين الكاثوليكيين فرديناند وايزابيلا تقديرا له علي خدماته الجليلة لجيش النصاري الأسبان في حرب غرناطة وكان اليهود فرحانين ع الاخر بالغزو الصليبي لـ غرناطة واستقبلوهم احسن استقبال

ولما احتل فرديناند اشبيلية سنة 646 هـ 1248 م خرج يهودها لاستقباله بعد ما صنعوا ليه مفتاح كتبه عليه
"سيفتحها ملك الملوك، وسيأتي ملك الأرض"

عشان كدة فرديناند ده مقصرش معاهم وأعطاهم 3 مساجد عشان يعملوهم معابد ليهم ده غير بقي انه اخد بيوت المسلمين واهداها لليهود مكافأة ليهم علي الولاء

وبعد كدة سمحت السلطات النصرانية في طليطلة لليهود انهم يمتلكوا العبيد المسلمين

اللهم لا تفتني بما أعمل ولا تفتني بما أقول