الدايسابورا

اهلا بيكم مرة تامنة في الصهيونية ... ايد ابليس الخفية

وقفنا المرة اللي فاتت عند الدايسابورا

و الحقيقة ان الكلمة دي اصلها يوناني ومعناها الشتات والتفرق في الارض اخدها اليهود زي ما اخدوا وسرقوا حاجات كتيرررر وحطوها في اللغات الأوربية عشان يعمقوا ويروجوا أكتر لفكرة الشتات والاضطهاد وانهم ياعيني مالهومش مأوى بعد طردهم من اورشليم وان الدايسابورا هى المعني الحرفي والمرادف لكلمة المنفي القسري والجبري

ومن الاخر ....

اي بلد مش عاجباهم وعايشين فيها تبقي دايسابورا يعني اوربا واسيا وافريقيا داياسبورا لكن امريكا وكندا وفلسطين دول حلوين ومستريحين فيهم عشان كدة مش دايسابورا

المهم ان اليهود عاشوا الدور وصدقوا الديسابورا وفرضوها علي الناس غصب واقتدار

لكن انا عايز اقول حاجة للانصاف التاريخي بس ... هي ان الدايسابورا دي بدات فعليا من القرن السادس قبل الميلاد ( النفي البابلي)

بعد كدة بدأت موجات اليهود المتتالية تنزل علي البلاد العربية

وبعد كدة جاءت موجات تانية وتالتة بعد سقوط القدس في القرن الأول الميلادي لكن المرة دي اتفرق اليهود في كل حتة في العالم زي ما قولنا قبل كدة وكان عددهم ساعتها 40الف أو اكتر شوية وفضلوا في التيه والشتات ده لحد ما وصلوا لأماكن وبلدان بعيدة جدا

وفي القرن الثالث الميلادي وصل اليهود لبحر الراين وألمانيا وخلوها قاعدة رئيسية ونواة لليهودية وبقت فرانكفورت هي العاصمة الرسمية لـ يهود الشتات

وفي القرن الخامس الميلادي وصل عدد اليهود من 4 لـ 7 مليون نسمة قارن بقي من 40 الف لـ 4 أو 7 مليون في أقل من 500 سنة

لكن تأتي الرياح بما لا تشتهي السفن أو تقدر تقول جات الحزينة تفرح مالقت لهاااش مطرح جاءت الحروب الصليبيه فى العصور الوسطى واشعلت نار الاضطهاد الدينى ضد اليهود داخل اوربا وضد العرب خارجها

وبدأت عمليات الطرد والاباده وزادت المأساة والكارثة وأصبحوا في العالم قوماً منبوذين, محتقرين, محرومين من أية حقوق مدنية أو شرعية, فاقدين كل عطف,متعرضين لكل أصناف الإهانة والتعذيب والاضطهاد, وأينما وجد اليهود وجد المضطهدون لهم الأمر اللي أدي فى النهايه لتغير جذرى فى توزيع اليهود فى اوربا

ففى عام 1394 فاختفى يهود فرنسا بعدما اطردوا الى الدول المجاوره

اما يهود ايطاليا فظلوا متقوقعين بها

اما يهود المانيا و اسبانيا فمن نسلهم سيظهر التقسيم الثنائى المعروف فى العصور الحديثه الأشكيناز و السفرديم

فالاشكيناز هم يهود المانيا وأصلهم من نسل قبيله يهودا وهم الأغلبيه العدديه حوالى 80% او 90% من اعداد اليهود والطبقه المتفوقه حضاريا وهما الحقيقة دايما يحتقروا السفرديم

اما السفرديم فهم يهود اسبانيا ودول البحر المتوسط وأصلهم من قبيله بنيامين وهم يعتبرون انفسهم الأرستقراطيه الدينيه

وبدأ اول اضطهاد لليهود الاشكيناز عام 1096 م لـ يهود الراين في المانيا اللي راحوا علي بولنده ... البلد اللي كان عدد سكانها صغير جدا عشان كدة تم الترحيب بيهم هناك لأن ملوك بولنده كانوا عايزين يزودوا عدد السكان

المهم ان اليهود قعدوا يتوغلوا وينتشروا ويتوغلوا وينتشروا لدرجة انهم قدروا يسيطروا علي الحكومة البولندية و فكروا فى إنشاء دولة إسرائيل على أرض بولندا
مين النهاردة مافيش حكومة !! أنا الحكومة .. انا الحكومة

لكن اللي يهمنا هنا ان فيه نظرية تانية خالص بتقول أن

تَزايُد عدد يهود بولندا ابتداءً من القرن الثاني عشر مش بسبب هجرة يهود أوربا ليها وقت حروب الفرنجة لكن بسبب الشتات الخزري وانهيار المملكة اليهودية الخزرية بتاعة تركيا

وبصراحة لو المقولة دي صح ؟ يبقي أصل معظم يهود العالم خزري تركي وليس سامياً..

امممم ....

المهم

في الوقت ده مافضلش في المانيا غير ثلاث مدن مفتوحه لليهود هى فرنكفورت و فرمس و فيرت

اما فى بولندا و جنوب روسيا التقى اليهود الالمان مع بقايا اليهود البيزنطيين ويهود الخزر ويتمثل اثار هذا اللقاء الآن فى يهود القرم الذين ينقسمون الى يهود قرائين و يهود القرمشاك الربانيين ويهود ليتواتيا

هذا اللقاء ادى الى سياده وزيادة يهود الغرب الالمان عدديا وحضاريا واستخدموا لغه مستمده من اللهجه الالمانيه العليا ( اليديشة )

اما السفرديم

تبدأ قصتهم مع حروب الأسترداد فى اسبانيا وتم طردهم مع العرب عام 1492 بعدعصر الاضطهاد والاباده على يد محاكم التفتيش

و كان عدد اليهود فى الاندلس (اسبانيا العربيه )حوالى مليون نسمه انتشر معظمهم فى هولندا و انجلترا وايطاليا وفرنسا و شمال افريقيا و فى الأمبراطوريه العثمانيه وخاصه فى البلقان والدانوب والاناضول والشرق الاوسط

وكانت سالونيك والقسطنطينيه من اهم بؤر تجمعهم

وهناك بقي يا عم التقوا باليهود القدامى من بيزنطيين وسابقين للعصر الباببلى واصبح السفرديم فى مهاجرهم الجديده هم السائدين عدديا بين الجاليات اليهودية وحملوا اليها لغتهم ( اللادينو )

باختصار كدة

يهود اليوم عبارة عن نوعين من البشر

النوع الأول سامي ... شرقي يعودون لنسل سيدنا ابراهيم عليه السلام

-والنوع ده كان عايش في الدول العربية والاندلس

- واسمهم سفارديم

-وميزتهم انهم اهل دين وتوراة

-واغلبهم كان عايش في الدول الاسلامية القديمة سواء في الاندلس أو غيرها

والنوع التاني آري ... أوربي اعتنقوا الديانة اليهودية في الاخر خالص

-ومالهمش صلة بأي حاجة واصلهم مش سامي

-واسمهم أشكناز

-وميزتهم انهم كان عددهم كتير ومتقدمين حضاريا

-وأغلبهم كان عايش في أوروبا أو علي أراضي مسيحية

-وكانوا بيكرهو ويحتقروا السفارديم جدا

وفي نظريات بتقول ان فيه نوع تالت من اليهود اسمه اليهود الشرقيين اللي هما عاشوا في فلسطين لفترات طويلة