النهاردة ان شاء الله هنبتدي مع بعض أولي مشاهد الفيلم الوثائقي الجديد
(( التهويد الكبير))
الفيلم بطولة نخبة من السفاحين اليهود وانتاج مشترك بين لوبي أوف أمريكا ووكالة اسرائيل انتركونتنتال
أما الإخراج فكان بالتناوب بين محترفي المؤمرات والدسائس والجرائم علي مر التاري
مدة الفيلم طويلة شوية أكثر حتي من النكبة طبعا وتم التصوير باستوديوهات حكومات صهيون
ملحوظة
قام بالتعليق علي أحداث الفيلم .. العبد لله
المشهد الأول
تعريف لابد منه
القدس .... المدينة المقدسة عند أصحاب الديانات الـ3 الإسلام والمسيحية واليهودي
فيها المسجد الأقصي
وكنيسة القيامة
و مدينة الرب
عشان كدة هي أهم وأميز مدينة موجودة في العالم
عشان كدة برضه هي مركز رئيسي للصراع بين الديانات الـ 3
عشان كدة برضه هي محط أنظار كل الناس
من أول العامة الي المهتمين والمتخصصين
بص كدة .. ده لسة مخلص كتاب
وده بيكتب
وده بيشعر
وده ينثر
وده بيحكي
وده بيرسم خريطة
وده بيناقش رسالة دكتوراه
وده قاعد بيشرح الحدود
وده واقف منبهر قدام حائط
وده بيدون ملاحظاته الخاصة
أما ده فبيصلي وده بيبكي وده بيتمتم ترانيم
ياااااه كل دي ناس وكل دي كتب وكل دي مراجع وخرائط
ياااه كل دول اجتمعوا علي نبض بلد واحد وهي القدس
المشهد الثاني
البناء
تعالوا مع بعض نرجع بالتاريخ لـ ورا شوية عشان نعرف مدينة القدس دي بقالها كام سنة موجودة
أكيد طبعاً كلنا متفقين إن المسجد الأقصي موجود في القدس ولا فيه حد عنده إعتراض ؟
طيب وأكيد كلنا عارفين إمتي اتبني المسجد الأقصي ؟
واللي مش عارف أقول له إن تم بناؤه بعد المسجد الحرام بـ 40 سنة
اسمع معايا الحديث ده
عن أَبَي ذَرٍّ رَضِيَ اللَّهُ عَنْهُ قَالَ: قُلْتُ يَا رَسُولَ اللَّهِ "أَيُّ مَسْجِدٍ وُضِعَ فِي الْأَرْضِ أَوَّلَ؟
قَالَ: "الْمَسْجِدُ الْحَرَامُ"، قَالَ: قُلْتُ ثُمَّ أَيٌّ؟قَالَ: "الْمَسْجِدُ الْأَقْصَى"، قُلْتُ: كَمْ كَانَ بَيْنَهُمَا؟
قَالَ: أَرْبَعُونَ سَنَةً، ثُمَّ أَيْنَمَا أَدْرَكَتْكَ الصَّلَاةُ بَعْدُ فَصَلِّهْ، فَإِنَّ الْفَضْلَ فِيهِ"
صحيح البخاري 3115
وفي روايات بتقول إن المسجد الحرام تم بناؤه في عهد سيدنا آدم عليه السلام وإن المسجد الأقصي تم بناؤه أيضا في عهد سيدنا آدم أو في عهد اولاده ...
المهم إن المسجد الأقصي معلم وأثر وقبلة المسلمين الأولي كان موجود قبل أي بناء علي
أرض الشام بصفة عامة وعلي أرض القدس بصفة خاصة قبل الكنيسة والمعبد أو الهيكل أي كان
خلي بالك أنا مش باتكلم عن البعد الديني للقدس ... لا .. ده انا بس باحاول أعرف هي اتبنت امتي
و عشان الحقيقة والإنصاف واخوانا المتربصين بنقول إن مش معني المسجد الأقصي
اتبني في القدس يبقي خلاص بقت مدينة وفيها حياة لا طبعا لأن كل الدراسات التاريخية
بتقول ان القدس منذ نشأتها وهي كانت صحراء جرداء خالية حتي من الأودية والجبال
ليست هناك تعليقات:
إرسال تعليق