سجل يا تاريخ
والله شوية مُرتزقة
والله عصابة من الأندال
والله سُلالة من الفَجَرة
ملهاش فى تاريخ الشر مثال
سجِّل يا تاريخ الحُرية
واكتب على ورق الحُرية
إن المُحتل المُتوحش
إتجَن وقتل الحرية
سجِّل يا تاريخ الحُرية
سجِّل لـ ولاد المُؤذية
إزاى كانوا أُمة مصلِّية
وازاى بقوا أُمة مصدِّية
كُل الديانات السماوية
إسلام مسيحية ويهودية
رافضين أساليب المُرتزقة
والعَمْلة السودة الهمجية
كل البيانات الرسمية
كل الكيانات البشرية
مُحتدَّة بشدة ومُحتجِّة
وبتصرخ لا للدموية
كُومبينة ومافيا وحرامية
وعصابة كبيرة وعالمية
وكيان متربِّى انه يدمر
بوقاحة وخسَّة ووحشية
إكشف يا تاريخ الناس ديَّه
وكفاية طيابة ومِدادية
وكفاية سلام مع دراكولا
علشان الدم معاه غِية
وابعت للدنيا المشغولة
وابعت للأمة المشلولة
قمصان الشُهدا المقتولة
شوف امتى هـيبقى لهم ديَّة
ليست هناك تعليقات:
إرسال تعليق