لُعِنَ الَّذِينَ كَفَرُواْ مِن بَنِي إِسْرَائِيلَ عَلَى لِسَانِ دَاوُودَ وَعِيسَى ابْنِ مَرْيَمَ ذلِكَ بِمَا عَصَوْا وَّكَانُواْ يَعْتَدُونَ.كَانُواْ لاَ يَتَنَاهَوْنَ عَن مُّنكَرٍ فَعَلُوهُ لَبِئْسَ مَا كَانُواْ يَفْعَلُونَ .تَرَى كَثِيراً مِّنْهُمْ يَتَوَلَّوْنَ الَّذِينَ كَفَرُواْ لَبِئْسَ مَا قَدَّمَتْ لَهُمْ أَنفُسُهُمْ أَن سَخِطَ اللَّهُ عَلَيْهِمْ وَفِي الْعَذَابِ هُمْ خَالِدُونَ
‏إظهار الرسائل ذات التسميات سلسلة تخيل. إظهار كافة الرسائل
‏إظهار الرسائل ذات التسميات سلسلة تخيل. إظهار كافة الرسائل

(5) تخيل (5)

Posted on السبت، مايو 15، 2010 in . 1 التعليقات




تخيل ميراثك فى أرضك خدوه
وأغلب تراثك كمان هوِّدوه
حضارة جدودك
وحاضر وجودك
كيانك حدودك
أضاحى لـ يهووه

تخيل سمات اليهودى اللعين
مافيش عنده أبداً لا ذمة ولا دين
سواد قلبه باين
ومجرم وخاين
وسارق وداين
وهو المدين

تخيل مصيرك فى إيد الجبان
أهانك وخانك وباعك كمان
وآلمك وظلمك
وضربك فى حرمك
ومنعك وحرمك
تصلى فـ أمان

تخيل معايا ان أسوأ تاريخ
تاريخ اليهود اللى مليان طبيخ
طبيخ النفاق
الرياء العداء
البلاء الخناق
الزعيق الصريخ

تخيل معايا الأقصى الأمين
مُحاصر بـ عسكر وشرطة وكمين
محاصر بـ نار
ودم ودمار
وآلة وجدار
ومستوطنين



بقية الموضوع هنا...

(4) تخيل (4)

Posted on الجمعة، مايو 14، 2010 in . 0 التعليقات



تخيل معايا الحياة فى الدمار
فى قلب المُخيم وخلف الجدار
عيون ضالة ياما
وصرخ اليتامى
إشارة وعلامة
لـ قهر ومرار

تخيل فى مُلكَك وعايش فقير
وعندك إصابة ووالدك ضرير
وأُمك رقيدة
وزوجتك شريدة
وبنتك شهيدة
وابنك أسير

تخيل بإنك يوماتي فى جحيم
وعايش حياتك فى واقع آليم
وليلك نهارك
فى جرحك ونارك
وقهرك مرارك
مسلسل قديم


تخيل هويتك فى إيد الجبان
بيسرق تاريخك عياناً بيان
تخيل تصوِّر
مهوِّد مصوَّر
مدلِّس مزوَّر
حقيقتك كمان


تخيل بإنك فريسة فـ شباك
كلاب الصهاينة الموساد والشاباك
وخلُّوك مُجرد
مُشتت مُشرد
مُهدد مُعرض
لكل انتهاك

بقية الموضوع هنا...

(3) تخيل (3)

Posted on in . 0 التعليقات



تخيل أنينك بيملا الوجود
وجرحك معدى المدى والحدود
لكنك مثابر
مسالم وصابر
لـ ذُل المعابر
وقفل الحدود


تخيل حياتك خريطة طريق
بتقصر وتصغر وتفضل تضييق
لغاية جَنابك
ما خدت فـ جِنابك
وأصبح منابك
فى أرضك لا شيء


تخيل بلادك خدوها اليهود
وعايشين حياتهم عليها ببرود
وسارقين هويتك
وأرضك وبيتك
وحاطين فى إيدك
كمان القيود


تخيل حقوقك خدوها بهدوء
وما لك فى سوق المحاكم حقوق
وتصرخ تنادى
يا عالم بِلادى
يا عالم بنادى
فى سوق الفسوق


تخيل همومك فى يومك تلال
وعايش مشاكل تهد الجبال
بطالة وإعانة
عِمالة وخيانة
ده غير الإهانة
من الإحتلال

بقية الموضوع هنا...

(2) تخيل (2)

Posted on الأربعاء، مايو 12، 2010 in . 0 التعليقات



تخيل فى دمك جينات الأسود
وفاقت شجاعتك جميع الحدود
وقابل تقابل
مئات القنابل
وتهلك مُقابل
ترابك يعود


تخيل ولادك بتصرخ بأأأه
بتصرخ فى كل القلوب العُصاه
تخيل معانا
ولادك جعانا
ولادك حزانا
ولادك عُراه

تخيل يوماتى بتنزل دماك
ودخان قنابل عدوك عماك
وغيرك متابع
نيران المدافع
ورافض يدافع
دقايق معاك

تخيل بإنك هـ تفضل تعانى
ودايق آلامك بكل المعانى
طالما اللى شايف
مغمض وخايف
مكبر وهايف
مطاطى وأنانى

تخيل قضية سعادتك فشنك
عشان الضمير اللى نايم فى بنج
عشان العدالة
فى إيد العِمالة
وأصل العِمالة
يا ريس ! يا كنج !


بقية الموضوع هنا...

(1) تخيل (1)

Posted on in . 0 التعليقات



تخيل بإنك فى ضل إنكسار
وعايش فى عُزلة وأزمة وحصار
وأبسط حاجاتك
فاقدها فى حياتك
ودايما حالاتك
فى أسوأ مسار


تخيل بإنك أساساً عزيز
ومُجبر تطاطي لـ حبة معيز
وتفضل تدادى
وتفضل مهادى
وطيب وهادى
وسهل ولذيذ


تخيل دموع العيال الصغار
بتنزل بتنزف بتحكى اللى صار
بتنده نيجيلهم
ناخد بالنا منهم
عشان دول يومينهم
يدوبك قُصار


تخيل بيتهد بيتك عليك
وأهلك بتهلك وقدام عنيك
وحالك ومالك
بينهار أوبالك
وأشلاء عيالك
شايلها بإيديك


تخيل حياتك فى عتمة وضلام
وقايد شموعك فى قلب الحطام
وبرد الليالى
وناسة وتسالى
وفيروس مثالى
لـ هد العضام

****

بقية الموضوع هنا...
الاشتراك في: الرسائل (Atom)