مدينة الملايكة

مدينة الملايكة مدينة السلام

عليكي المحبة عليكي السلام

عليكي الأمان

والآدان

والجرس

يا غصن الزتون

واللمون

والكرز

يا أرض الحرم
يا أقصى الأمل
يا دُرْ المداين
يا بدر اكتمل

يا قُدس الشرف

والتاريخ الجميل

يا سِر الزمان

المهيب الجليل

يا سِحر المكان

اللى مالهوش مثيل

يا مسرى الحبيب
يا مهد المسيح
يا حلم الكليم
يا أرض الخليل

يا درب الرُسل

جيل مـ سلِّم لجيل

باعت لك تحية محبة وهيام
ومن جوة قلب المشاعر سلام
ومن كُتر عشقى
بوشوش ترابك
وبهمس له دايماً
بعطر الكلام
و لو خَيرونى
ما بينك وبينى
هـ اقدم حياتى
وكُلِّى ابتسام

مدينة الملايكة مدينة السلام

عليكى المحبة عليكى السلام

بقية الموضوع هنا...

ثبتي العكس يا غزة

ثبتـى العكـس يا غـزة وكملتـى لأخـر جولـة

ثبتى فى وش كام هزة تهد وتنهى كام دولة

ورغم الدم والأشلاء

ورغم الجرحى والشهداء

دهشتي الدنيا وبقالك

في قلب الدنيا دى عشاق

*******

ورغم ندالة الأعداء

عديمى الذمة والأخلاق

دافعتى بهمة عن حالك

لحد ما رب نصرك شاء

وعشنا وشوفنا أعدائك ولا حيلة ولا حولة

ثبتـى العكـس يا غـزة وكملتـى لأخـر جولـة

ثبتى فى وش كام هزة تهد وتنهى كام دولة

ثبتى لا خوفتي ولا هيبتى

ولا استسلمتى وهربتى

وكنتى عظيمة وقت الجد

لمِّا واجهتى وجاهدتى

*********

جاهدتى الظلم وحاربتى

ولا احتارتى ولا غِلِبتى

وكملتيها ند لــ ند

وجيبتى أخرها وكسبتى

برافوا عليكي مين غيرك بكل المجد ده أولى

ثبتـى العكـس يا غـزة وكملتـى لأخـر جولـة

ثبتى فى وش كام هزة تهد وتنهى كام دولة

رافعتى قامتنا ورايتنا

وطولتى لنا رقابتنا

وخدتى بتارنا واديتى

بداله دروس لأُمتنا

*******

عرفنا قيمتنا وياريتنا

نقوم ونعلِّى هِمتنا

وطول م احنا قلوب واحدة

هـ ترجع لينا قوتنا

وطول م احنا مع الوحدة هـ يجى النصر م المولى

ثبتـى العكـس يا غـزة وكملتـى لأخـر جولـة

ثبتى فى وش كام هزة تهد وتنهى كام دولة

بقية الموضوع هنا...